影片
更多
2024-11-13
119 浏览
双十一唔系去血拼而系同喺内地嚟香港公干嘅表姐去食好西！我都系第一次食好烧式 因为佢系正旺角睿景酒店前面～🚌 附近仲有中港旅游巴士站，方便到表姐！所以系佢提议同book枱嘅 🤣🕑 重点：开到凌晨两点，对于想食宵夜嚟讲系好方便嘅选择👍👍好多海鲜系时价～要问返店员当晚用餐时扇贝询问度好高～所以我哋即刻留起咗！记住留货～如果唔系会后悔因为食到一半已经听到店员话得返最后两只（同埋都好彩我哋早入座，好快已经座无虚席！）呢间串烧舖好有诚意～一落完单店员就即刻上左两碗welcome soup!!!!!大癫！ 🎃 高质南瓜汤 🎃浓浓嘅香气扑味～仲有啲打到好烂嘅南瓜皮只有用新鲜南瓜blend出黎煲成先会咁满满奶油口感！同罐头汤冇得比～🌊蒜蓉烧圣子王 $160/2 蛏子 大大只～份量好足！又烧得好好～一啲唔韧仲有小心思加左金菇垫底吸晒啲鲜甜嘅精华～无得顶🌊蒜蓉烧扇贝$100/2 带子好弹牙同鲜甜 烧得啱啱好 配上大量蒜蓉同优质鱼子 一见到已经胃口大增😍🍳 厚烧玉子 $22玉子准备到四四方方好似粒骰咁～外层烧到金金黄黄～脆脆地～咸咸甜甜咁～蛋香味浓🐽 阴公猪 $30见佢个名咁阴公同得意即刻忍唔住叫左客用冬阴功
而系同喺内地嚟香港公干嘅表姐去食好西！
我都系第一次食好烧式
因为佢系正旺角睿景酒店前面～
🚌 附近仲有中港旅游巴士站，方便到表姐！
所以系佢提议同book枱嘅 🤣
🕑 重点：开到凌晨两点，对于想食宵夜嚟讲系好方便嘅选择👍👍
好多海鲜系时价～要问返店员
当晚用餐时扇贝询问度好高～所以我哋即刻留起咗！
记住留货～如果唔系会后悔
因为食到一半已经听到店员话得返最后两只
（同埋都好彩我哋早入座，好快已经座无虚席！）
呢间串烧舖好有诚意～
一落完单店员就即刻上左两碗welcome soup!!!!!
大癫！
🎃 高质南瓜汤 🎃
浓浓嘅香气扑味～仲有啲打到好烂嘅南瓜皮
只有用新鲜南瓜blend出黎煲成先会咁满满奶油口感！
同罐头汤冇得比～
🌊蒜蓉烧圣子王 $160/2
蛏子 大大只～份量好足！
又烧得好好～一啲唔韧
仲有小心思加左金菇垫底吸晒啲鲜甜嘅精华～无得顶
🌊蒜蓉烧扇贝$100/2
带子好弹牙同鲜甜 烧得啱啱好
配上大量蒜蓉同优质鱼子 一见到已经胃口大增😍
🍳 厚烧玉子 $22
玉子准备到四四方方好似粒骰咁～
外层烧到金金黄黄～脆脆地～咸咸甜甜咁～蛋香味浓
🐽 阴公猪 $30
见佢个名咁阴公同得意即刻忍唔住叫左客
用冬阴功腌料准备嘅五花腩好香口同入味
食到啖啖都好似置身泰国咁！
少少辣～好开胃
仲要啲猪唔会太肥 食落啱啱好
🍆蒜蓉烧茄子（原条） $40
有时叫烧茄子就好似开盲盒咁～因为有啲会烧到好油
呢度就完全冇呢个问题～
用筷子轻轻一夹已经脱到皮可以成注咁放入口食
葱蒜香味完全渗入茄子，大推！
🐔 烧鸡髀 $38
大大份~ 外皮酥脆~ 鸡髀肉质嫩滑浓郁
加配秘制酱汁令人食指大动
啖啖肉，满足感upupup
🐽 泰式烧豚肉（1份） $42
大大份呀呢个！
腌得好入味 酸酸辣辣好惹味
🌊 盐烧白缮 $49
白缮个鱼皮烧到香脆十足
厚厚既鱼肉充满油香～爽脆又弹牙
简简单单用海盐调味已经一流
🐮盐烧牛舌串 $30
食材新鲜，只要加少少调味料（盐& 黑椒）已经提鲜同升华左好多～
外脆内软仲锁住咗好多肉汁
🐔 鸡中翼（2只）$22
烧鸡翼我最钟意食！！烧到皮脆肉嫩！！秒速消失不见🙈
🍠烧日本甜心番薯 $18
蕃薯甜糯❤️ 钟意
🫘 串烧豆腐 $22
面层烧到脆卜卜～咬落去会卡擦卡擦！
内里依然好嫩滑 好欣赏😍
首尾相应既惊叹！
串烧舖竟然自己整埋甜品！！大大大癫！
🍮法式焦糖炖蛋
香浓焦糖面脆卜卜
蛋吉士同云呢拿结合得天衣无缝
重点：甜度喏喏好
脆口同软滑达至黄金比例！
总结：
好开心表姐安排左呢间餐厅见面～
串烧出色 唔会好似其他咁舖头咁系咁用味粉令到串串都一样味
仲有连西汤同甜品既出品都咁高水准！
而且舖头既抽风做得好好～完全冇油烟味～
实在好难得
难怪早前已经迎来左餐厅既6周年啦
另外店员好nice同细心
落单既时候问我地要咩辣度
见到我地犹豫即刻主动话可以分开啲辣粉俾我地试下
仲有野食岀得几快～赶直通车前医肚冇有怕！
张贴
