星級餐廳

营业中

休息中

路过见新开张，原来系食台式火锅，今晚就同小白兔黎探下路先。环境时尚舒适点了火锅放题A餐，可以任点任食安格斯牛板键，猪梅肉，羊肩肉。牛板键牛味重，净系食牛就已经值番哂，洗乜长途跋涉北上揾食。仲可以任食台式小食，有炸紫薯球，地瓜条，甜不辣。味道烟韧，有口感，拍得住台湾夜市。除了平常都有的罐装饮品，竟然仲有珍珠奶茶！味道都唔错，珍珠够Q够软。闻到隔离枱椰子鸡汤，劲香，所以我哋都点。 果然没有令我们失望！超浓郁椰香味， 好多椰子肉，仲有成个椰青俾我地加落汤底。仲有台式特式花生汤圆，芝麻汤圆， 鱼籽福袋，鲍鱼仔，花胶，水鱿，川粉，淮山等。矶烧鲍鱼伴鱼籽，直接食就得， 味道矜贵最后仲点了朱古力窝夫，夹热左牛角酥再加朱古力雪糕，热牛油香再配上冰冻朱古力雪糕。总括而言，食材新鲜， 汤底清香，有台湾特色，诚意十足。