山見 (創紀之城五期(apm))

营业中

休息中

同个friend去完茶果岭影相，出返观塘就去咗apm揾食。行到上5楼，见到新开咗日式烧肉同台式火锅，就拣咗台式火锅试试佢。见到出咗apm店限定汤底竹笙猪肚鸡汤(+$25)，一于就拣呢个汤底。入到去经过自助区，个装修几靓，一个个灯牌咁好有台湾feel。先讲讲火锅，个汤底几浓郁，未落料之前建议饮返啖先，D竹笙吸晒汤汁好好食。牛肉质素不错，唔好净系得D脂肪。其他火锅料、D丸类、D海鲜质素都几好，菜都几新鲜，最重要系有得叫鸭血。除咗火锅，仲有好多台式热食供应，去台湾夜市必食嘅盐酥鸡、蚵仔煎、地瓜球果D，呢度全部都有得食，尤其蚵仔煎系做得返台式果种，唔系潮式，另外仲有几款卤水野食。饮品柜都有几多罐装饮品选择，仲有冷泡茶，钟意饮酒嘅仲有日本麦啤酒。呢餐好满足，有机会再食过。