百德咪走雞茶餐廳 (已結業)

6 Jan 2007Lunch, 系大埔中心一路行一路谂食咩, 之后话食咖哩至尊。去到门口, 谂谂下个心唔多想入去, 因为去过一次, 里面d人真系好冇礼貌。跟住就去左佢隔离依间--咪走鸡。其实平时冇乜点黎依边食饭, 今日心血来潮, 咁就有个惊喜。叫了个嫩鸡烩面加冻柠茶($28), 男友叫了个招牌菜--咪走鸡饭加冻柠茶($32)。先黎嫩鸡烩面, 个汤好正呀, 好鲜味。其实我觉得面最紧要都系汤底, 所以我觉得碗面好正, 又多菜wo。跟住黎埋个咪走鸡饭, d鸡用所谓既乞衣碗装住, 饭就系分开上。黎到, 见到d鸡既汁仲系到滚紧啰, 出晒烟。个汁好好味, d汁加落d饭到, 真系好正。d鸡都几多,椰菜加埋d汁都好好味, 男友食得津津有味。咁冻既天气, 食埋d热辣辣, 香喷喷既野, 特别开胃。有机会要试埋依到既咖哩鸡饭, 同埋云南米线。同埋系到食, 起码d人唔会话特别有礼貌, 但只少唔会好似咖哩至尊d人咁。