狎鷗亭居酒屋

营业中

休息中

餐厅开系诺士佛台，要细心留意佢嘅招牌先唔会行过头。听讲呢度开咗10几年，店员话老板希望保持做韩国嘅传统菜式，难怪食落去同出面啲韩国料理唔同，一黎无耐就放上六小碟前菜，我同朋友就开始不断食🙈🙈🙈烧大虾四大只大虾，似系盬烧，食物处理得好好，非常干净，虾头只有虾膏，虾肉非常洁白，食落又弹牙鲜甜。红烧牛排感觉系好传统既韩国菜，出面韩国餐厅好少食到哩种口感，令到我有啲惊喜。好似真系系韩国好地道餐厅食既炆牛排。牛肉炆到好腍，好入味，啲肉又大大旧，咬落有油香又唔嚡口，好有牛味。入面仲有白萝卜，红萝卜，全部都炆到好腍好入味，必试。辣八爪鱼丼本来都食到有啲饱，呢个饭一上黎好香，石锅烧到好热，所以不断发出吱吱声，配料好多，八爪鱼好有咬口Q弹，香气可口好值得叫黎当主食。菠萝沙冰朋友唔饮酒，咁我哋就叫咗一个沙冰。入面真系有菠萝肉，饮落好香甜，唔似系化学野或者糖浆。啲冰沙好细致，唔会咬到冰粒，酸甜解腻。食物份量都几多，餐厅都坐得舒服而气氛又几好，见好多客人都嗌酒饮，下次要带其他朋友黎试试其他食物。