黔滋味 (已結業)

呢日去大埔拎啲嘢俾旧同事💼,见到呢间新开嘅小店🎊~汤底系自家熬制嘅五指毛桃猪骨汤,几特别,所以去试下~个百香果酸辣凤爪似泰式凤爪咁酸酸辣辣🐔~虽然唔系好食得出系百香果,但的确有种水果甜味🍯~而且已经拆好骨,可以大啖大啖咬~佢哋嘅凉拌皮蛋个酱汁几清新🌱~再配埋带点糖心嘅皮蛋都几好食~佢哋嘅手打牛筋牛丸肉味香浓🐂,而且好弹牙多汁~食落明显唔系出面冻肉舖买到嘅货色🍡~筋唔算多,食落中间见到有一粒粒明嘅,几有惊喜👍~佢哋嘅米线同食开嘅唔一样🍜~望落比较粗身,咬落较烟韧~我个人对猪软骨麻麻😐,因为觉得个软骨都系好硬,通常唔会食埋...但母亲大人钟意,所以点咗个鲍汁猪软骨米线~估唔到佢哋处理到个软骨咁软~咬落反而似较咬身嘅牛筋😋,全个都咬得开~而佢哋个汤底真系唔错,而且唔会太浓太咸🧂,感觉比较健康~我就想养生啲,拣咗玫瑰花黑枸杞茶🌹~佢落咗好健康嘅黑枸杞,仲加咗圆肉带起甜味,唔会太甜~啱晒想拣咗柠茶奶茶以外嘅人🧋~母亲大人就拣咗个菠萝梳打🍍~一支梳打水俾你冲落蜜饯菠萝度~饮完了埋啲菠萝出嚟食都一样好味~估唔到呢间小店都几有惊喜🥰~不过个位置僻啲,不过啱晒我呢啲会周围揾小店嚟试嘅人~