撻QC＋煮

营业中

休息中

今日同朋友经过九龙城，本来想食泰国菜，但后来改变主意想食中菜，临时想揾一间好食嘅小菜帮衬，咁啱有位朋友介绍呢间小店，即刻Walk in，店内人数不多，证明而家消费市道真系好差！经过店员一番介绍，我哋点咗几个小菜，叫咗个咕噜肉、滑蛋炒牛肉、同一个慢煮烧鸡。好快就嚟咗啲𩠌菜，咕噜肉系唔错嘅，而且亦都有烧菠萝，啲菠萝系新鲜菠萝，而且除咗好味之外，个摆盘都好靓！唔错唔错！之后就系个滑蛋炒牛肉，个蛋系炒到啱啱好，啲牛肉亦都好嫩滑，调味都好适中！之后就系个慢煮烧鸡，啲鸡好嫩滑，佢有个泰式酱汁俾我，但系我觉得只鸡已经好够味，完全唔需要烧汁，整体真系唔错！而且价钱亦都好相宜！性价比好高！呢种小店真系难能可贵，希望大家帮衬一下！支持香港饮食业！