店小二

营业中

休息中

最爱小炒💕返香港第一件事都系要食返地道嘢新开冇耐 主打卖相靓靓又用足料嘅食材 每味𩠌都用心烹调 制作需时间㗎！✔️小二小炒王 小炒王都算系我去每一间中式食店会点嘅食物 呢度果然冇令我失望 炒得够晒镬气 碟底都冇留底一摊油 材料有蒜心、腰果，鲜鱿、虾干、猪肉 蒜心饱满清甜冇渣 虾干超级粗壮 而且有劲多只 非常揼本 先有都好爽口弹牙 食得出好新鲜唔系雪藏货✔️荷叶清酒蒸澳洲青口 几乎台台都有点 上台嘅时候就闻到好香嘅清酒味 一笼咁上好有看头之余 都睇得出师傅好有功架 澳洲青口粒粒饱满 每一粒都刚刚熟 火喉拿捏得好好 食落好鲜味得来，又食到淡淡嘅荷叶味 ✔️鲜菠萝咕噜肉 呢味咕噜肉颠覆咗我对传统咕噜肉嘅想像 个甜酸酱好似锦卤云吞咁分开上 钟意点几多悉随尊便 甜酸酱里面仲有新鲜嘅菠萝 而且个炸猪肉啲炸粉好薄 食成餐饭食到尾都好脆口 呢味对于我唔钟意太多汁同太厚粉嚟讲 真系觉得餐厅太体贴了✔️吉列新鲜带子 带子超级饱满 初初仲以为系两粒一齐炸 原来真系原粒珍宝巨型带子 咬落口个质感劲新鲜 够鲜味有弹牙 吉列脆浆唔会好厚 有少少似喺大阪食串扬嘅感觉 个顶仲