影片
更多
2014-07-28
1996 浏览
第二年同男朋友庆祝生日 ... 上年草草了事 所以决定今年要整得好好睇睇 ^^我唔系果d 中意食得拘谨既人..记得朋友facebook po 过好可爱既公仔炒饭 就揾下呢间咩餐厅系openrice 见到 ---- 秋田 睇埋其他食家既食评就即刻决定订枱电话好快有人听 超有礼貌 ~ 仲会问埋系咪有咩特别日子 ~ 订枱既时候我问埋 系咪整到布甸狗 (因为男朋友中意) 对方话会帮我remark 翻, 订完枱轻松晒 到27日 11点几到, 秋田再打黎conflim booking,因为下午时分同男朋友去左isquare 睇猿人争霸战 好早就开始系尖沙咀闲逛大概7点20分到 reception姐姐好快就安排我地入座我同男朋友拣左 熊本 二人前套餐先黎两客前菜沙律 同埋一set三个既 鱼仔 竹笋(?) 同 酸meimei (?)呢个时候黎做厨师 开始准备食材 个厨师系个靓姐姐黎 我地一路食野一路睇姐姐整个蒸蛋 加左黑鱼子既蒸蛋咸咸地 个底唔知系咩黎 然后姐姐开始整我地既鹅肝多士 鹅肝超大件 有我手指咁长^^ 上枱既时候 仲会教我地点食 连块包一齐咬 ~ 不过女士应该会几辛苦 啖啖都有鹅
我唔系果d 中意食得拘谨既人..记得朋友facebook po 过好可爱既公仔炒饭 就揾下呢间咩餐厅
系openrice 见到 ---- 秋田
睇埋其他食家既食评就即刻决定订枱电话好快有人听 超有礼貌 ~ 仲会问埋系咪有咩特别日子 ~ 订枱既时候我问埋 系咪整到布甸狗 (因为男朋友中意) 对方话会帮我remark 翻, 订完枱轻松晒
到27日 11点几到, 秋田再打黎conflim booking,
因为下午时分同男朋友去左isquare 睇猿人争霸战 好早就开始系尖沙咀闲逛
大概7点20分到 reception姐姐好快就安排我地入座
我同男朋友拣左 熊本 二人前套餐先黎两客前菜沙律 同埋一set三个既 鱼仔 竹笋(?) 同 酸meimei (?)
呢个时候黎做厨师 开始准备食材 个厨师系个靓姐姐黎
我地一路食野一路睇姐姐整个蒸蛋 加左黑鱼子既蒸蛋咸咸地 个底唔知系咩黎
然后姐姐开始整我地既鹅肝多士 鹅肝超大件 有我手指咁长^^ 上枱既时候 仲会教我地点食 连块包一齐咬 ~ 不过女士应该会几辛苦
啖啖都有鹅肝既油系个口度
然后就到龙虾 男朋友同我仲系度研究 龙虾究竟系新鲜定 本身已经死左既时候 姐姐已经将佢好温柔咁分尸 烧龙虾既部分有个位系落酒跟住烧著佢 姐姐叫我准备好相机既时候我仲发呆唔知咩事 所以捕捉唔到全部 ;P
然后侍应收走烧左既龙虾头尾
姐姐再系拎d 蒜片 葱花 会问我地食唔食 因为系for翻个牛薄烧 =]
男朋友要了3 成 我既 5成
呢个时候侍应送上了头先既龙虾面(屎)汤 男朋友同我 其实已经9成饱 不过都系耐心睇姐姐整野
然后有个炒杂菜
过后姐姐问隔离枱炒饭要d咩图案 那位女士点了玫瑰花 心念难度好高呢....
不过姐姐冇问我.. 我都冇为意
隔左一段时间 姐姐拎左电话出黎 (猫纸)
攞左d 饭 落蛋 沟至黄色 到开始砌图.. 我先发现原来姐姐整紧布甸狗 ~
男朋友过左阵都发现左.. 佢仲问我姐姐系咪整紧只狗..
先系布甸狗既大饼面 然后系耳仔 再黎布甸帽 ^^
整完之后男朋友话 系咪咁岩整布甸狗 肯定系我做左手脚 (呢个惊喜 好成功驳得"红颜" 一笑 )
然后再整隔离枱既玫瑰花 ~
完成后姐姐问我地洗唔洗加名 男朋友话唔洗
姐姐用蛋浆 系铁板画字.. happy birthday
男朋友又话 原来知我生日架 (又成功驳得"红颜" 一笑 )
原来仲有影相既环节 侍应细心咁教我地点企先系最好 影左几张 成晚最开心 ^^
送上丑照一张
两枱都影晒相后 姐姐再开始炮制个炒饭 已经好饱... 食唔晒好有罪恶感
隔离枱 有三枱 炒饭公仔有 坏蛋奖门人 connie 兔 同 一只唔知咩黎~~
再黎甜品 有红豆豆沙包~ 同埋有得拣抹茶or 红豆 雪糕
即整既关系仲系热辣辣 红豆蓉咸左小小 不过都满足了~ 扮叮当食豆沙包既时候 侍应姐姐再送上 西饼形状 既蛋糕 配上蜡烛 送上
成晚充满住开心 惊喜 同饱
题外话/补充资料：
yan 姐姐 多谢你 成晚过得咁开心都系因为你 ^^
reception 姐姐非常细心 用膳当晚会有个咁既惊喜 .. thanks very much
(以上食记乃用户个人意见 , 并不代表OpenRice之观点。)
张贴
