秋吉

营业中

休息中

鲗鱼涌除咗多写字楼，仲有好多好味嘅餐厅。今次介绍呢间日本餐厅，有好少见嘅串烧Omakase，全部都系即叫即烧，好有心机，成个体验都好丰富！🟩前菜有蟹籽沙律同鸡肝酱多士。鸡肝酱真系超好食，够晒浓，份量又多，配喺脆口多士上面一齐食，简直系一流！呢个套餐有超多唔同类型嘅串烧，我就最钟意以下三款：.🟦第一刀第一刀又名脢头嘴，即猪只被送到猪肉档时，第一刀斩下去的猪肉部位，食落肉质烟靭适宜，又唔会有筋，够晒特别又好食！🟧野菜天妇罗呢个天妇罗有齐关东煮萝卜、粟米同辣椒仔，味道比较甜，即刻炸好爽口！🟩牛舌芯牛味重，而且熟度啱啱好，好烟靭好弹牙！.另外，鸡串烧组合（包括盐烧鸡胸软骨、汁烧鸡肉大葱、盐烧鸡背肉、鸡掌、鸡尾、盐烧鸡翼、盐烧鸡肾、鸡尾等等）都好特别，食到好多新奇好味嘅鸡部位！而秋吉鳗鱼饭都烧得好惹味㗎！最后要推介嘅系呢个极浓鸡汤加炸虾球combo，虾肉份量又多又鲜味，点鸡汤一齐食估唔到有几夹！