石一燒 (九龍城) (已結業)

今次食呢间石烧牛从前菜到甜品都好惊喜🥰位于九龙城的一角，隔离有个巴士站，好十几条线，搭巴士好方便。餐厅环境好舒服，系木系日式的感觉。我地叫左个尊上二人餐（$598）前菜有一大盘沙律菜仲有个甜酸辣并盘，个炸牛奶好惊喜，脆卜卜的外皮，一咬即融，就食到入面软绵绵的牛奶。酸呢就系个醋腌蟹柳，酸味味好开胃，个蟹柳食到一丝，系高级蟹柳，仲有个辣系带子群边，个味做得啱啱好的辣，仲有弹牙爽口的群边。个樱花虾味噌汤系满满的樱花虾，足料够味。主角出场就系猪梅肉，封门柳同牛小排，肉质靓，好食，餐厅仲有自家制盐做调味，烧野菜菇菇，尤其系啡菇，都好好食。谂住个惊喜已完，点知甜品都有惊喜！原来系自己搞抹茶粉，再倒入个雪糕。个雪糕偏甜，加上抹茶汁带甘，有得玩又有得食！