影片
更多
2024-09-01
714 浏览
我哋呢班为食友，周不时会约埋饭聚，菜式与价钱不拘，Fine Dine或地道皆可。是次有人吹鸡，话想食潮汕菜，群组帖子一出，大家一呼百应，五分钟不到便成局。来的是尖咀的金凡潮汕菜，气氛似大牌档，但坐得舒服好多，甚至乎有VIP房，但我哋觉得坐大厅吃得更加尽兴。发起人做事一向稳妥，早已与店家夹好菜单，大家安顿好后，小食随即送来。先是韭菜鹅红，鹅红无疑会比猪红更加嫩滑，夹埋漓甜无渣的韭菜，难理什么胆固醇超标，大家今晚已经豁出去。薄谷唔系成日有得食，趁岩时候就不能错过，粒粒饱满鲜美。平时食潮州菜，可能会食冻蟹，亦有机会会叫生腌蛳蚶，但生腌羔蟹真系唔多食，或者心目中会觉得这是宁波菜色吧！当然，家阵食嘢都唔应该有呢种食古不化既思想。再者，呢三蟹爆羔既出品上桌时，足以令众人起哄。蟹既手手脚脚都好多羔且鲜甜，蟹盖先至夸张得要命，轻轻用匙刮一刮已是超澎湃的蟹羔，一发不可收拾，笔者若非有番咁上下年纪，必定同佢死过。家阵只能三个人分一只蟹盖既蟹羔，都已好过份了。吃潮州嘢要食海螺！铁板上，店员席前点火，岩晒相机食先既呢个时代。海螺肉厚，却完全不韧，味道鲜甜，掂！当然仲会有卤水嘢，贪心既我哋要拼盘就最好。鹅片肉嫩
我哋呢班为食友，周不时会约埋饭聚，菜式与价钱不拘，Fine Dine或地道皆可。是次有人吹鸡，话想食潮汕菜，群组帖子一出，大家一呼百应，五分钟不到便成局。
来的是尖咀的金凡潮汕菜，气氛似大牌档，但坐得舒服好多，甚至乎有VIP房，但我哋觉得坐大厅吃得更加尽兴。
发起人做事一向稳妥，早已与店家夹好菜单，大家安顿好后，小食随即送来。先是韭菜鹅红，鹅红无疑会比猪红更加嫩滑，夹埋漓甜无渣的韭菜，难理什么胆固醇超标，大家今晚已经豁出去。
薄谷唔系成日有得食，趁岩时候就不能错过，粒粒饱满鲜美。
平时食潮州菜，可能会食冻蟹，亦有机会会叫生腌蛳蚶，但生腌羔蟹真系唔多食，或者心目中会觉得这是宁波菜色吧！当然，家阵食嘢都唔应该有呢种食古不化既思想。再者，呢三蟹爆羔既出品上桌时，足以令众人起哄。
蟹既手手脚脚都好多羔且鲜甜，蟹盖先至夸张得要命，轻轻用匙刮一刮已是超澎湃的蟹羔，一发不可收拾，笔者若非有番咁上下年纪，必定同佢死过。家阵只能三个人分一只蟹盖既蟹羔，都已好过份了。
吃潮州嘢要食海螺！铁板上，店员席前点火，岩晒相机食先既呢个时代。海螺肉厚，却完全不韧，味道鲜甜，掂！
当然仲会有卤水嘢，贪心既我哋要拼盘就最好。鹅片肉嫩，墨鱼爽而不韧，鹅肠亦然，我还是最爱丝滑的鹅肝，懒理有多邪恶。
蚝饼必定要趁热食，酥脆口感，蚝肉够多，仲混入埋九肚鱼，多一重口感，我对于呢啲香口嘢是无法抗拒的。
估唔到系呢度食到鳝球，质感弹牙，满满南乳香，送啤酒一流。
芝麻鸡既肉质又系嫩滑，好有水准，就算已饱到上心口既我，都要连夹几件才收手。
最后以传统的潮州粿和奇趣丸子作结，我仲追加埋芋泥，甜胃表示大满足。
张贴
