潮丸 (已結業)

东大街不嬲出名多好野食，呢晚同friend揸车去附近就决定去个头揾好野食。个阵唔算好肚饿所以谂住食碗面就算，行过见到潮丸冇谂太多就入左去食。叫左个招牌既牛丸面同埋一碗清汤萝白。牛丸食落好弹牙，牛味好浓，咬落去有汁咇出黎咁样。汤亦都冇碱水味，咸甜岩岩好，加上幼面好爽口，好快几啖扒入口食晒。个清汤萝白萝白冇渣咬落软硬岩岩好，碗汤清淡得黎有萝白吸晒汤汁，冇得输。同行个friend都有叫左个墨丸河，佢都好满意。见到入口个度有d好似街市入面肉档d胶牌，佢地呢度都有得卖生牛丸同其他丸返去煮或者打边炉，老板就话d牛丸系潮州新鲜运返香港，真正原汁原味。最近天气够晒冻，最岩打边炉，买返一磅牛丸去打边炉真系岩晒。