秋拾米線

营业中

休息中

游完水做完gym，约屋企人出去启德行街街，但系未食晏出到嚟已经系下午茶时间。咁就谂吓食啲咩好啦，之前mark低咗呢间米线，都唔难揾好快已经揾到啦，估唔到过咗午市时段都爆场。未到舖头之前已经喺OpenRice𠮶度睇吓有啲咩食其实心里便已经算好咗，但系嚟到嘅时候有心大心细。基于未食早午餐嘅情况下，嗌咗猪颈肉酸辣米线另外加咗猪腩肉同埋猪软骨，再嗌咗个小食鱼皮。个鱼皮细细粒唔够过瘾，但够爽口，唯独是佢个汁太浓味有少少咸。猪颈肉同埋米线都到啦，猪颈肉份量好足，唔会烧得太干身，相当Juice。另外食米线之前饮咗啖汤，救命，好好饮⋯⋯佢酸辣得来带少少泰国风味真系好好饮，虽然嗌中辣但系唔会越饮越辣。同埋几钟意佢个米线系有米线个猪软骨亦都炆得好腍入口即溶，卤肉就的色咗少少有少少唔够喉。整体嚟讲相当有惊喜，下次要试埋佢个(豆花)。唯独一样唔系咁好嘅地方就系坐门口𠮶张枱啲人出出入入对门系咁撞只手，明白后生意啲枱就摆得密啲，但系呢个位就真系差少少。