餃掂手工餃子雲吞專門店

今日约左人系铜锣湾饮野，事前谂住系附近求其食少少野打式，拣左间饺子店估唔到有惊喜！呢间「饺掂」见佢咁有特别用黑白松茸黎整饺子，即时吸引到我！黑白松茸双拼煎饺，一次过试晒两款，即叫即煎都唔洗等好耐，煎得好香口一啲都无㶶，咬落劲脆卜卜听到有声，入面好多肉汁，食落去流晒出黎，松茸亦落得好多一啲都唔孤寒，好浓味好出色！椰菜猪肉汤饺，呢汤底系用左状元九鼎汤，饮落好重豆香好好饮，唔系味精汤，食完饺子忍唔住饮埋啲汤。至于饺子都唔输蚀，汤饺吸晒啲汤汁变到大大粒，入面椰菜丝令肉饺好爽口，不错。小食方面亦有特式，黄金皮蛋唔系好多地方食到，好甘香。日本流心蛋配上黑白松茸同样好夹，可以食到松茸本身既味道。食完饮返杯蜂蜜柠檬薏米水同山楂雪梨水，清甜又健康。