影片
更多
2015-06-21
906 浏览
话说之前朋友上过amina2食，比左张coupon我，见佢有得送半打生蚝/full set 9折，同朋友倾过之后决定上amina2食生日饭😁原来星期三佢哋做蚝promotion，系啲侍应介绍之后我地决定用$188加半打生蚝，包括american pearl, ancelin special, gillardeau😍 爱食蚝嘅我哋决定咗一个食oyster set 一个食full set, 咁又可以食多半打生蚝喇😋食完生蚝之后，侍应上左一碟香喷喷嘅面包🍞同埋香草茄子酱🍆，一向唔太食茄子既我系侍应们嘅介绍之后决定试吓啦，点知茄子酱都有惊喜，问返佢哋先知道原来茄子酱加左rosemary ，唔怪得有阵独特既香味👍蚝set用半打生蚝取代头盘同埋entree, 所以头盘我哋拣咗黑毛猪火腿配蜜瓜奶冻🍈，黑毛猪火腿系24个月㗎，油份比例适中带少少咸香，试完24个月见到有48个月嘅橡果黑毛猪真系好想试但系惊太饱所以冇叫到😣到汤啦！我哋一人拣咗一款，咁就可以试晒两款啦😚路笋汤配轻煎带子，粒带子半生熟个口感好得意啊，龙虾汤虾味好重，同啲侍应倾计先知原来龙虾汤要整成六个钟咁滞架，终于知道点解佢哋下昼唔开啦😯鹅肝
原来星期三佢哋做蚝promotion，系啲侍应介绍之后我地决定用$188加半打生蚝，包括american pearl, ancelin special, gillardeau😍 爱食蚝嘅我哋决定咗一个食oyster set 一个食full set, 咁又可以食多半打生蚝喇😋
食完生蚝之后，侍应上左一碟香喷喷嘅面包🍞同埋香草茄子酱🍆，一向唔太食茄子既我系侍应们嘅介绍之后决定试吓啦，点知茄子酱都有惊喜，问返佢哋先知道原来茄子酱加左rosemary ，唔怪得有阵独特既香味👍
蚝set用半打生蚝取代头盘同埋entree, 所以头盘我哋拣咗黑毛猪火腿配蜜瓜奶冻🍈，黑毛猪火腿系24个月㗎，油份比例适中带少少咸香，试完24个月见到有48个月嘅橡果黑毛猪真系好想试但系惊太饱所以冇叫到😣
到汤啦！我哋一人拣咗一款，咁就可以试晒两款啦😚
路笋汤配轻煎带子，粒带子半生熟个口感好得意啊，龙虾汤虾味好重，同啲侍应倾计先知原来龙虾汤要整成六个钟咁滞架，终于知道点解佢哋下昼唔开啦😯
鹅肝好多地方都有得食所以拣咗咖啡菇酿蟹肉，个菇好juicy蟹味鲜，值得一试啊呢个😍
食完entree, 有个番石榴味嘅雪皅清一清个口就准备食主菜，我哋嗌左一个M9和牛同埋意大利饭。
和牛嘅肉味同埋滑度平衡得好好，脂肪比例冇日本和牛咁多，冇咁油，多咗阵肉既香味，红菜头薯蓉亦有惊喜，净系变咗色𠮶下已经加分啦😂
意大利饭真系估唔到会咁足料，青口，带子，蚬，虾，鱿鱼样样齐，同埋个饭有海鲜既鲜甜，呢个份量好大，女仔食既话可以叫佢细份啲，唔系会太饱食唔落甜品架😳😳😳
甜品有两款，一款系焦糖炖蛋🍮另外一款系佢哋自家制嘅Roxana，自家制𠮶款下面有rum jelly，烧菠萝同埋荔枝味嘅雪糕再加块薄荷叶，三层夹埋一齐食原来好夹咖😋😋😋
可能因为我哋坐风口位啦，食到entree开始有啲冻，但因为要顾及其他人冷气未能较高温度啲，或者可以考虑下提供披肩比客人，咁对比较怕冻既客人都可以照料到😅
整体黎讲啲侍应服务态度好好，讲解食物亦好详细，同埋因为佢哋每道菜都系慢慢上，好适合系呢个匆忙嘅生活节奏带来小小嘅舒缓😌
虽然话可以慢慢享受，如果可以调节一下上菜嘅节奏我谂会比较适合香港人急速嘅步伐😉
最后俾钱先知道原来佢哋冇收加一架，尼样系好惊喜，已经唔收开瓶费仲要冇收加一，估唔到呢啲餐厅食晚餐竟然乜额外钱都唔收，不过就净系收现金，如果嚟食嘅话记得要带现金啊😳
呢餐饭折左之后每人七百蚊左右，要喺铜锣湾揾间食得饱又好食嘅西餐真系唔易，朋友果然冇介绍错，好满意呀呢餐生日饭😋😋👍
挂住食唔记得影相📷，本身冇写过食评既我，亦因为呢间餐厅嘅诚意所以决定写我人生之中第一篇嘅食评，祝佢地好嘅口碑会继续传落去啦☺️
张贴