東京和食SUN (已結業)

女朋友请食饭，话有惊喜，就跟佢去左东京和食。去到发觉装修好靓，座位成L型，两个人可以细细声倾偈食饭，台同台之间有薄黑纱遮住少少，好似有D私隐，设计唔错。1.贪心Set (杂锦烧肉套餐)：有两款牛肉加牛舌 牛肉每款4件，切得好厚，烧熟后都好嫩，餐厅方面已落盐及胡椒，好好味。2. Sukiyaki：细细煲，但好好味，经理话杂锦烧肉套餐同sukiyaki都系佢地既signature dish，果然冇介绍错，好野！3. 猪肋骨锅饭：呢个就一般啦，都ok既，但跟埋个漏斗黎话漏完D沙先至开盖，整色整水咁，有D多余。4. 海鲜蒸蛋：又系signature dish，但唔好味，海胆有D苦，麻麻地。5.红豆雪糕：好浓郁，好creamy，好好味呀！6.芒果布甸，实在难以形容，好味到晕，好震撼，好正呀！D甜品舖全部要行开一面。仲有佢地用D炉好的式，好精致，想买番一个番屋企。好多谢女友咁好介绍，好开心呀。