爖月串燒居酒屋

营业中

休息中

日式串烧都经常食，位于厚福街嘅呢间近来逢星期一至四仲做紧八折优惠，值得试试。而且食物款式同味道都有啲惊喜，以下几款特别喜欢。手抓饼海胆虾卷 - 手抓饼配上海胆同虾，有fusion嘅意念。海胆味鲜，天妇罗虾酥脆弹牙，有惊喜嘅菜式。𤇭月比翼双飞 - 一向好喜欢食乳鸽，呢度虽然稍为细只，但仍然做到皮脆肉嫩。一开始已火焰纸包住，再用火枪一烧，变出「比翼双飞」，几有心思。和牛蛋饭团 - 面层和牛肉质软嫩，味道香浓。中间夹住梦王蛋蛋黄，蛋香极浓，系成件事精华所在。连同焦香饭团一齐食，高质。横隔肌set - 同时试到四款口味，香蒜、蜜糖芥末、日本芥、菠菜汁。横隔肌几有嚼口，牛味都浓。提灯 - 鸡嘅卵巢同未孵化嘅蛋，听落唔系个个接受到，但味道同口感确系好不错。唔系经常有得食，好多时会卖晒。鸡脚筋 - 爽脆得来带点嚼口，最喜欢嘅鸡串烧部份之一。蒲烧鳗鱼 - 鳗鱼肥美，肉质酥软。酱汁系灵魂所在，调味甜度刚好，配有少许焦香味。明太子烧馒头 - 炼奶就配得多，估唔到配上咸香明太子，令烧馒头别有一番风味。面脆底软，好食。