樂口福酒家

营业中

休息中

学生话有 2 部私家车去食饭，咁梗系去无地铁到既地方啦！系网上揾来揾去都无间合晒全体人喜爱既菜色，车到九龙城广场，重揾紧㖞，最终上 OPENRICE 查，无意中揾到呢间乐口福酒家，打电话去订位，竟然有位订㖞，星期五晚咁易订位，大家都心大心细，唔敢抱大希望好食。入到去店内，个待应问系咪刚才电来订８位果个呀？哗，真系无生意？见到店内只得几台客，真系冷清清；旧式装修，外国游客实钟意。鹅片好好味，肉质 juicy，正　；蚝仔烙，蚝仔好多，而且大只，味道适中，食到唔停得口呀！超正蚝仔粥，又系好多大只蚝仔，唔系应酬式比几只你就算果种，米粥又唔会杰，好适中三丝炒面，三丝系牙菜，九菜，肉丝，炒得好香，九菜味也好香。芥菜，加入多种菇类，但芥菜太淋无咬口。椒盐尤鱼须，太咸，咸到一路食一路饮水，但又好咸香，没法唔食㖞炸糖醋面，面炸得普通，但个醋汁非常香，果种香味系个口停留，好正。于是问个伙记用边只醋，佢走去厨房拎出来比我地睇，佢话要系上海舖先有得卖，认住呢只牌子，睇下出面揾唔揾到先。大家都好惊喜无意中撞到间咁正既食肆，下次再来。