小瑪哥米線

营业中

休息中

卧虎藏龙嘅一间米线，真心诚意推介！去开湾仔𠮶头嘅会展睇show 顺便就喺湾仔附近揾嘢食，经过见到呢一间广告话老字号嘅米线餐厅就入咗去试吓，写到明传承30年嘅风味，果然真系名不虚传！我特别推介呢度嘅两款菜式，包括系佢嘅米线同埋砂锅鸡～ 米线汤底非常之浓郁，而且好顺口一啲都唔会令人觉得好口渴食落去味精味都比较少！佢嘅金牌小窝米线汤底好惹味，我叫咗四个𩠌，包括饺子花枝丸炸酱同埋腩肉！几款𩠌菜都味道唔错～另外特别想推介佢嘅砂锅鸡，鸡汤非常之浓郁，而且味道好香甜，有别于喺出边食到嘅砂锅鸡呢度食得出系真材实料！小食方面，我仲叫咗个昭通酱鸡翼，呢个味道我未曾食过！但系我觉得都好香，而且炸鸡翼揸得好松脆加埋面头嘅芝麻令到成个鸡翼更加香口！总括而言，呢一间嘅米线舖绝对值得一试，以为佢嘅外表平平无奇，但系食落真系好有惊喜