萬芳冰室 (建德街)

营业中

休息中

山长水远入来元朗来试下老字号充满怀旧风味的万芳冰室，特登来试下巨型炸脾，中午去到已经开始排队，大约20分钟就有位，位置唔多，需要搭台，比较逼，装修好有怀旧感。生炸鸡全翼（2件）配沙律（HKD 33）鸡翅炸得有D干，不过好脆，又入味，个沙律青瓜苹果红萝卜好新鲜配买薯仔，真系好好食。生炸招牌大鸡脾配薯条（HKD 43）不愧系大鸡脾超级巨型大过我块面😂我一个人根本食唔晒，肌肉入味，肉质感觉一般，无咩惊喜，就系一个比较大的炸鸡脾。万芳招牌红豆冰（HKD 27）最有惊喜红豆冰，红豆粒粒分明，食落口起沙，甜度适中，非常好饮。