影片
更多
2016-07-22
4247 浏览
一班同学仔在农庄玩完一日，包车先去医肚，呢度系个妈咪食过话好，晚饭要预订，唔可以walk in, 去到见系间比较旧式嘅菜馆，好多系大枱，比咗两大张枱我哋，靠近落地玻璃窗，可以睇到泳池！店员会先比橙汁，大家到齐叫起！豪华合家欢全包宴：潮日5小碟拼盘：青瓜辣辣的爽脆，海蜇弹牙，鸡肾都系辣嘅，有咬口偏硬！云耳弹牙，不过唔够酸，唔惹味，鸭胸全瘦不过唔嚡，肉质爽口！好味！海龙王鲍鱼翅汤（佛跳墙）：啲汤好清，味道香浓，不过见到嘅汤料唔多，翅都系得几条！感觉像清鸡汤！川芎元肉杞子桑拿虾：好得意嘅上枱方式，锡纸托起中虾，店员上枱时在锡箔纸拮几个窿，啲汤汁流到锅底冒出蒸气，好像表演，中虾爽口，味道咸咸地，有啲中药味道，不过唔重！好味虾子鲍片金钱发财：金钱即系冬菇，发财即系生财，冬菇厚肉，炆得淋身入味！生菜爽脆，不过切得太大棵，虾子有咸香味道，鲍片弹牙但我觉得味道一般喜喜洋洋新疆火焰羊架：著住火上枱吸睛，不过好快熄灭，羊架砌到好像一朵花，羊架肥美，腌得入味，新疆腌料惹味！羊肉唔膻！好味！，芝士百花酿蟹盖烩元贝（伊面底）卖相好抢，蟹盖好细，酿嘅系杂菜肉碎，一般，元贝系雪藏货，虽然大只，不过肉质好木！芝士汁虽
去到见系间比较旧式嘅菜馆，好多系大枱，比咗两大张枱我哋，靠近落地玻璃窗，可以睇到泳池！店员会先比橙汁，大家到齐叫起！
豪华合家欢全包宴：
潮日5小碟拼盘：青瓜辣辣的爽脆，海蜇弹牙，鸡肾都系辣嘅，有咬口偏硬！云耳弹牙，不过唔够酸，唔惹味，鸭胸全瘦不过唔嚡，肉质爽口！好味！
海龙王鲍鱼翅汤（佛跳墙）：啲汤好清，味道香浓，不过见到嘅汤料唔多，翅都系得几条！感觉像清鸡汤！
川芎元肉杞子桑拿虾：好得意嘅上枱方式，锡纸托起中虾，店员上枱时在锡箔纸拮几个窿，啲汤汁流到锅底冒出蒸气，好像表演，中虾爽口，味道咸咸地，有啲中药味道，不过唔重！好味
虾子鲍片金钱发财：金钱即系冬菇，发财即系生财，冬菇厚肉，炆得淋身入味！生菜爽脆，不过切得太大棵，虾子有咸香味道，鲍片弹牙但我觉得味道一般
喜喜洋洋新疆火焰羊架：著住火上枱吸睛，不过好快熄灭，羊架砌到好像一朵花，羊架肥美，腌得入味，新疆腌料惹味！羊肉唔膻！好味！，
芝士百花酿蟹盖烩元贝（伊面底）卖相好抢，蟹盖好细，酿嘅系杂菜肉碎，一般，元贝系雪藏货，虽然大只，不过肉质好木！芝士汁虽然杰，不过芝士味唔够浓，伊面唔够滑，如果用天使面会好味啲！整体一般！
春回大地爆大鸡（霸王鸡）：我食鸡胸肉，（因为唔钟意鸡髀中央鲜红色嘅骨）肉质唔算滑但正常，葱丝加酱汁咸咸地好味！唔系鸡特别出色，系煮法好味！
酱爆松茸野什菌扒碧绿：什菇炒菜，什菇兜一兜，质地仲弹牙，西兰花索晒啲汁，咬落爽脆！好味！
清蒸鸿运大海班：系少有蒸到刚好离骨，而且肉质几滑，最好味系配嘅甜豉油，加上爽脆葱丝！我平时唔好鱼都食咗两大块！香江黄金裹蒸稯：见到系稯以为好滞，其实系煎得香脆嘅糯米片，外脆内烟韧！QQ几得意！
玉面飞龙黄金甲：个名好劲，实际只系什菜炒面，
炸过嘅面底卜卜脆，淋咗汤汁都无淋，酱汁几滑，加上爽脆嘅蔬菜！椰菜同萝卜丝好爽！肉丝正常
南瓜椰汁珍珠炖官燕：南瓜橙色几靓，入面嘅西米唔多，官燕更加见唔到，唔知系唔系煲溶晒！味道清甜，质地几滑！
生果拼盘：只系切橙，不过好甜，系食完糖水都觉得甜！
橙汁一渣：好大一樽，橙汁够冻，虽然唔系鲜橙汁，味道都唔假！
餐点好大份，有啲菜色几特别！出面都未食过！最瞩目系第二枱客嘅超大龙虾蕃茄锅，5只大加拿大龙虾，个锅仲大过脸盆！好夸张，问咗店员，套餐可以减菜色，再加钱要呢个𩠌（价钱取决减边款菜色）店员有礼，非常包容，因为小孩子多，比较论尽，打泻3次果汁都无黑面！即刻攞毛巾处理！解问我哋对菜色嘅疑问好详尽！
张贴
