長發海鮮酒家 (已結業)

难得小弟今日约港岛朋友倾啲野，佢就带左我黎食依间蒸汽锅。都系因为潮流带动下，看似中式的海鲜酒家，一道装修下就变成而家既蒸气锅。证明香港人有几灵活变通。蒸气锅计时器锅底 - 先放入珍珠米、排骨同南瓜作为最后粥底既材料，最后用蒸气煲成粥。日本大元贝 - 蒜蓉粉丝伴元贝，当然系最稳阵既食法，加上元贝中间细心地开左一刀，保证蒸熟，而元贝够新鲜就无得输。苏格兰特大圣子 - 控制圣子既时间好重要，因为你都知呢，圣子太熟会变成擦子胶，有计时器既情况下可以话系万无一失。贵妃蚌/韩国北寄贝 - 北寄贝通常我地只系可以响寿司舖可以见到食到，清蒸都系第一次，感觉都有啲特别，比较有咬口、少少烟韧。生猛花竹虾 - 九节虾当然够鲜甜，有虾味，唯一唔好就系得两只，实左太少。美国石蚝 - 都算几大只肥美，但蚝味唔够，可能都系产地问题。本湾奄仔蟹 - 蟹肉多汁、肉质弹牙、爽甜。新鲜排骨南瓜粥 - 每次蒸气锅既重点所在当然就系依个粥啦，但一定要够时间南瓜同珍珠米化开，加上前第道海鲜留底既精华，又点会唔好食㖞，我觉得选用珍珠米系既成功既地方。