三人行燒烤專門店

营业中

休息中

三人行系旺角新开嘅平民烧烤店，猪牛羊鸡海鲜蔬菜都有，大部份肉类串烧都系十几蚊有交易，而且仲唔系食两啖就冇，因为性价比高，所以都几多人帮趁。当日六点去到，已经有两枱人喺度，仲谂住唔太多人，点知后尾都越黎越多人。店面简单，不过都干净企理。烧菠萝($16) - 香甜多汁又冇渣，仲预先去左皮同切好一件件，方便食，抵赞！烧白鳝($48) - 白鳝几厚肉，鳝皮烧到脆脆地，肉质扎实弹口。鸡软骨($16) - 一串都几多粒，脆卜卜唔会太硬。羊肉串($16)安格斯牛肋串($24) & 牛柳串($18) - 两款牛肉都唔会烧到干柴柴，食落好软嫩juicy。炸薯格($30) - 薯格好大份，香脆得黎又有咬口，仲唔会过油，食到停唔倒口。盐烧马友($126) - 马友烧到啱啱好，肉质唔会太老太鞋，蘸埋个酸辣汁食，非常开胃。牛油金针菇($32) - 金菇索晒啲牛油，好香牛油味，不过建议尽快食，否则越浸越咸。蒜蓉烧原条茄子($36) - 茄子好大条，上面放左好多辣粉同蒜蓉，非常惹味。总结，虽然只系一间街坊烧烤店，但出奇地高质，串烧惹味又唔太干，食完亦唔会特别口渴，人均$200已经食到饱，性侦比非常高。