影片
更多
2025-02-07
0 浏览
呢日与朋友试下呢间外观sharp醒到爆既208 Italian。虽然未知好唔好食但起码打卡肯定一流。佢起正水坑口街斜路之上，离到远一远已经望到，唔识路问人「橙色个间餐厅」相信都一定会知道。餐厅有两层，座位都好足够，唔系大时大节的话应该可以坐耐D。入面装修企理，枱同枱中间空间好足够，倾偈唔怕嘈到人。仲有张大bar枱，见到有人自己一个chill住浅酌，睇落都几好feel。由于位侍应姐姐都好热情几好倾，我地就叫佢推荐几个最好食既signature dish啦，以下逐款讲两句izza 208 (素)个pizza用到餐厅名咁有信心，唔使谂一定要试下啦。侍应姐姐起我地面前𠝹开左个我以为系流心蛋既白色球体，再搽匀起pizza表面，原来系叫做「burrata」既牛奶芝士，入口令我非常惊艳，口感清新似忌廉，冇骚味而系淡淡芝士香，作为topping恰到好处唔会抢晒。蕃茄sauce够酸够新鲜，与芝士非常搭配，而饼底亦非常香脆。Highlight系第一次食到完全唔苦，但口感一样既火箭菜。成个pizza都惊喜处处，又特别又好味，必试推荐！墨汁蛋面 (Squid Ink Tagiolini)未serve到上枱香蒜
由于位侍应姐姐都好热情几好倾，我地就叫佢推荐几个最好食既signature dish啦，以下逐款讲两句:
Pizza 208 (素)
个pizza用到餐厅名咁有信心，唔使谂一定要试下啦。侍应姐姐起我地面前𠝹开左个我以为系流心蛋既白色球体，再搽匀起pizza表面，原来系叫做「burrata」既牛奶芝士，入口令我非常惊艳，口感清新似忌廉，冇骚味而系淡淡芝士香，作为topping恰到好处唔会抢晒。蕃茄sauce够酸够新鲜，与芝士非常搭配，而饼底亦非常香脆。Highlight系第一次食到完全唔苦，但口感一样既火箭菜。成个pizza都惊喜处处，又特别又好味，必试推荐！
墨汁蛋面 (Squid Ink Tagiolini)
未serve到上枱香蒜加蟹肉香味已经扑鼻而来。个面如你所见非常juicy，sauce以香蒜加蕃茄加莞茜必杀组合熬煮，够晒惹味。入口面质唔似一般意粉，有D烟韧同埋淡淡蛋香。当然最重要系蟹肉鲜甜又够大嚿，新鲜小蕃茄微酸，仲有D细细粒既橄榄，味道层次好丰富，一碟3个人分真系唔多够食。
Half Chicken “Cacciatora”
Half Chicken “Cacciatora” 系蕃茄加蘑菇Sauce为主既半鸡，唔算惊艳但隐阵地好味。鸡肉好鲜嫩完全冇雪藏味，好欣赏鸡髀啖啖肉非常满足。伴碟既芝士薯蓉”Polenta”反而十分惊喜，食落有空气感好松软唔会饱滞，仲好有蛋同芝士香味，同个酸酸地既Cacciatora sauce好夹。
Tiramisu
甜品我地就一早拣定左tiramisu，果然冇令人失望。酒香好突出，衬托到香浓既咖啡味，蛋糕口感松软绵密，最重要当然系香港人最高赞赏「唔会好甜」，作为一餐既结尾刚刚好，唔会饱滞而又有少少意犹未尽咁。
我地埋单一人系$300左右，仲包左一人叫左一杯饮品，非常之经济实惠，绝对要再黎试埋其他菜式。
张贴