大四喜冰室

营业中

休息中

去这新店第一次晚餐，想吃铁板餐，新张期仲有七折优惠，喜欢吃扒的我，一定要试下啦～牛扒铁板餐，牛扒真系无松肉粉的味道，唔会好似食腐肉咁，生熟程度刚刚好，新鲜即炸的薯条超级热，要慢慢食，加上甜甜地嘅粟米粒，比起那些大型连锁店的铁板餐，简直无得比，加上优惠期间，直得一试。另外，叫咗个香茅猪扒饭，猪扒都一样无松肉粉味道，值得一赞，不过，个人不太喜欢那些乜乜鲜酱油的味道 ，店员话系自家调配的酱汁，可能配方中有那款鲜酱油，如果转普通豉油汁就完美喇。至于饮品，我就叫咗冻柠茶少甜少冰，水准几好，起码做到我要求的，因为好多食肆都做唔到，唔系啲冰唔驶钱，就系啲糖唔驶钱，一系无茶饮！一系甜到死！未去过这店舖的，可以一试，支持下这些小店。