大四喜冰室

营业中

休息中

原本諗住食隔離食肆（點知休息），唯有附近再揾嘢食！ （牛扒例牌好多人等費事啦）看到間舖，平日晚餐就求其就算。叫咗兩個晚餐，一個係菜心炒牛肉味道牛肉OK菜心都多；另一個係老闆娘介紹豆豉蒸白尾班（原条上），白飯，例湯，熱飲全套$78. 講真，百零蚊，食完啪啪屁股走🤣簡單輕鬆！要講吓個例湯，係有料到嘅，唔係白烚水😋。而且份量足，價錢公道，味道方面住家式！店舖裡裝修都OK ，有啲復古型氛圍，聽見其他食客對話都似係街坊，希望呢對夫妻老闆保持得住水準，長做長有啦！

什麼地區都好，總係有些鋪位係經常轉手。前身叫［街坊冰室］ 無黎一段時間又轉左名，新招牌［大四喜］幾靚仔幾醒神；老闆娘睇樓面，老公廚房係主場，員工態度有禮貌；食材好，份量夠，價錢經濟，貼地茶記；午市有成8，9款選擇，日日不同，跟茶又跟湯，係一間唔錯嘅飯堂選擇。呢度個公司三文治有驚喜，竟然係會用咸牛肉煎蛋，唔錯；但沙牛麵唔慣有菜絲，無菜絲就會好點，所以下次會叫麵餐時要走菜。希望這種貼地食店可以長做長有 

今日夜晚食飯時間行開太子，見到附近都幾多人，周圍搵緊嘢食嘅時候行過餐廳，老闆娘親自過嚟介紹，見到老闆娘幾友善就一於試吓啦今次試咗《鐵板牛扒》同《啫啫雞煲》，分別$75同$78。兩個餐都送湯，簡咗一紅湯一白湯紅湯夠酸，仲有唔少蔬菜粒～白湯都好飲鐵板一送上嚟夠哂熱辣辣，老闆娘仲好貼心放遠啲驚彈到客人牛扒夠淋，薯菜都好食雞煲數量多，一上台好香仲好濃味，啱晒重口味人士最後要讚下老闆娘態度好好，由入門口到出門口都好好禮貌，又會問下客人有咩需要，夠體貼

前身是街坊冰室，因為住得近，以前都成日去食，轉名做大四喜後，可能磨合還需時間，初期運作有點混亂，好似無特別準備要做晚市咁，要叫返午市賣剩還有的食物，有一段時間無再去。後來早餐時段見倒好多客，入去食過早餐，質素都唔錯，諗住放工回家可以有多個選擇，點知佢又轉了唔做晚市。近這幾日又見佢晚市又好似開返，今晚本來想食燉湯，點知無位，老婆話見倒大喜有新優惠，諗唔倒食乜就試下啦。叫了個牛扒鐵板餐跟薯菜，薯條好熱，應該是即炸，幾好食，粟米幾甜，牛扒雖然無得揀生熟程度，但質素是可以的，起碼唔會過琳或過硬，75蚊配埋冷熱飲品都算抵食了，希望這小店長做長有，等我晚餐多一個選擇。

去這新店第一次晚餐，想吃鐵板餐，新張期仲有七折優惠，喜歡吃扒的我，一定要試下啦～牛扒鐵板餐，牛扒真係無鬆肉粉的味道，唔會好似食腐肉咁，生熟程度剛剛好，新鮮即炸的薯條超級熱，要慢慢食，加上甜甜地嘅粟米粒，比起那些大型連鎖店的鐵板餐，簡直無得比，加上優惠期間，直得一試。另外，叫咗個香茅豬扒飯，豬扒都一樣無鬆肉粉味道，值得一讚，不過，個人不太喜歡那些乜乜鮮醬油的味道 ，店員話係自家調配的醬汁，可能配方中有那款鮮醬油，如果轉普通豉油汁就完美喇。至於飲品，我就叫咗凍檸茶少甜少冰，水準幾好，起碼做到我要求的，因為好多食肆都做唔到，唔係啲冰唔駛錢，就係啲糖唔駛錢，一係無茶飲！一係甜到死！未去過這店舖的，可以一試，支持下這些小店。

難得今日放假天，去附近試下間新冰室。大四喜冰室，係大馬路旁邊，唔難見到。呢個時間有下午茶同午餐，最後因為肚餓，所以叫左個午餐 焗咖哩雞扒飯+凍檸茶。檸茶有足4片檸檬👍🏻焗飯就都足料 亦都係炒飯底，熱辣辣好好食，咖哩香口，唔會太甜，雞扒都香煎，仲有西蘭花同洋蔥薯仔，經典配搭👍🏻👍🏻👍🏻最重要咁炎熱的天氣，有足夠冷氣亦都好重要 卡位坐得舒服，侍應亦熱情有禮，主動邀請我坐卡位但注意暫時只收現金。

路過太子，見到呢間餐廳寫鐵板餐45蚊，入去試吓，覺得都幾有水準，鐵板餐有雞/牛/豬扒揀，揀咗雞扒餐黑椒汁咋咋聲，味道都唔錯，份量足，有湯有飯/意粉/薯菜有嘢飲（凍飲加三蚊），黑椒汁都幾香，羅宋湯都足料，下次有機會再試吓其他鐵板扒餐，都幾抵食

打風果日都有開👍食物味道不過不失，侍應姐姐仔好好👍沙嗲牛肉包好有驚喜，鐵板扒餐味道唔錯，全港最平😂我個人覺得比金鳳好味，一日食咗兩次，會繼續支持，茶餐廳嚟講呢間絕對係唔差嘅！

今日即興同男朋友係太子食野，諗唔到食咩就打算去金鳯鋸扒，正當行到去金鳯，旁邊有一間小店大大隻字寫住$45鐵板餐，咁抵唔係唔試呀嘛，於是我地坐低叫左2份西冷，分別跟薯菜同意粉，同樣係黑椒汁，加埋凍飲total 兩位$100仲有4蚊找🙈但最驚喜係，竟然好食過金鳯！！食物方面，西冷係薄薄地兩大塊，份量十足，無筋，重肉味，口感嫩滑，薯條有焦香味，最出色係個黑椒汁，好足料，岩岩抄起咁，唔係好辣十分惹味，聽到第二張枱讚個蒜蓉汁，下次要試😍飲品方面，凍奶茶係典型茶餐廳好飲既味道，忌廉湯熱辣辣唔錯。店內職員廚師都好nice，可能新開無咩客，出黎傾左幾句睇下我地有咩comment ，feel到佢地好有heart 去經營，加油啊👏$45 係試食價，下次去未必有啦，不過貴d都值得🍽️，個人認為$45抵得滯，令人錯覺係試伏😆，同埋我建議放返d靚相吸客金鳯一個餐都$1xx up ，大四喜無論性價比同食物品質都贏左，忍唔住即刻寫食評支持支持