祥香茶餐廳 (已結業)

话说周末黎开哩头睇戏，沿路行过黎见到哩间老字号茶餐厅，门口写晒驰名蛋挞奶茶咁，就决定睇完戏之后黎整个下午茶🫖餐厅坐位唔算多，而且楼下冇位就上左上层，环境就系一间有历史嘅茶餐厅咁，唔会好光猛，啲嘢唔会好新净，但系感觉都系干净企理嘅～我地两个人叫左两杯热奶茶，我地都钟意嘅曲奇皮蛋挞，同埋一份西多士～我觉得西多士系合理期望，不过可以再脆啲同香啲😛蛋挞都几好食，唔会太甜，可能我地食左西多士先，到食蛋挞果时已经唔再热辣辣，同埋如果个曲奇皮再香啲会仲正！我觉得重点系杯热奶茶！！完全出乎我意料嘅好饮！！茶味香浓得黎一啲都唔苦涩！仲要几滑添🤤🤤 可能有人会觉得太浓冇咩奶味（不过用黑白淡奶都.. 应该冇咩奶味㗎下嘛？😆），但系我就系觉得佢啲茶味真系够香，超钟意！！果日我午餐饮左杯咖啡，下午茶饮左哩杯特浓奶茶，夜晚都冇训唔著😆✌🏼价钱我唔系好记得，因为系假期，所以冇任何下午茶餐优惠。总括黎讲哩间茶记都几好啊，下次有机会再黎就试下佢啲咖啡☕️