星薈

营业中

休息中

今次呢间餐厅，曾经经过见到但未有机会去试！今次藉著生日饭，朋友提议去食。其中一位朋友试过推介食物唔错，仲要有靓景添！餐厅喺大厦最高层，我地订左19:30，早左到都可以有位，可能仲未有好多人知道，所以都唔算好多台。出左电梯，入到餐厅就见到落地玻璃窗见到K11，再配水晶灯，好简约！赞！未叫野食就比个环境吸引左，而且仲有个露天位置，外面放左几张高台，可以坐喺外面饮下野！因为佢地有个小酒吧，可以点cocktail 或有啤酒。其实间餐厅主要用黎做婚宴，环境吸引，个位置可以睇到烟花添！咁左咁耐，要讲番当晚我地点左咩食物！我地有5个人，点左一个4人餐，再加左一个小食同埋一个小菜，最后仲加左2个焗西米布甸！首先到左个小食炸豆腐，炸得好靓金黄色，唔需要点汁都够味。之后小菜陆续送到！真系每个菜都有惊喜，我地只系点左套餐，包括有个炒饭都好味，炒得好干身，唔感到好油。整体好味！可以再值得再去。