影片
更多
2018-06-25
291 浏览
餐厅位置非常方便，一出石门站，商场就在旁边。沿途经过呢间餐厅又大又靓，决定一试。我们一家四口，点了两个二人餐。餐牌选择蛮多。回顾今次晚饭，反而想推介佢嘅头盘甜品。先来个餐包盘，其实开胃菜都紧要。因为会影响成餐饭嘅感觉!首先面包有黑炭，芝麻，红莓味，个个都热辣辣松软可口，忍唔住食晒。四人要争住食，我好难先抢到半块红莓点汤。今晚是日餐汤系杂菌汤，唔好睇佢水汪汪，原来系用鲜菌打磨，忌廉味及松露油配合得好好，如果太杰太浓就食唔到其他野。大虾香芒沙律配油醋汁，卖相靓到已经好开心。大虾新鲜弹牙，芒果又熟（甜）份量都多。沙律菜不止生菜，有紫椰菜，紫洋葱，龙须菜等等，有heart。 佢个油醋汁调得酸甜恰当，一家大细都食到，唔会酸到妈妈声，可以一食到尾!炸物拼盘有惊喜:有春卷，洋葱圈，鸡翼及薯角。 全部炸得啱啱好，不油腻。 篮底索油纸其实冇咩油， 食炸物我都算奄尖，炸得太脆我会嫌热气， 炸浆太厚会唔食。 今次炸物我可以全部食晒，重要个个争。主菜拣咗士多啤梨猪肋骨及安格斯西冷牛扒。用得士多啤梨就系想猪肋骨松软，轻轻用刀切就可以切开，士多啤梨酱味道似甜蕃茄。西冷牛扒叫左7成熟，厨师真系做到，赞!呢个牛油果三
餐厅位置非常方便，一出石门站，商场就在旁边。沿途经过呢间餐厅又大又靓，决定一试。
我们一家四口，点了两个二人餐。餐牌选择蛮多。
回顾今次晚饭，反而想推介佢嘅头盘甜品。
先来个餐包盘，其实开胃菜都紧要。因为会影响成餐饭嘅感觉!
首先面包有黑炭，芝麻，红莓味，个个都热辣辣松软可口，忍唔住食晒。四人要争住食，我好难先抢到半块红莓点汤。
今晚是日餐汤系杂菌汤，唔好睇佢水汪汪，原来系用鲜菌打磨，忌廉味及松露油配合得好好，如果太杰太浓就食唔到其他野。
大虾香芒沙律配油醋汁，卖相靓到已经好开心。大虾新鲜弹牙，芒果又熟（甜）份量都多。沙律菜不止生菜，有紫椰菜，紫洋葱，龙须菜等等，有heart。 佢个油醋汁调得酸甜恰当，一家大细都食到，唔会酸到妈妈声，可以一食到尾!
炸物拼盘有惊喜:有春卷，洋葱圈，鸡翼及薯角。 全部炸得啱啱好，不油腻。 篮底索油纸其实冇咩油， 食炸物我都算奄尖，炸得太脆我会嫌热气， 炸浆太厚会唔食。 今次炸物我可以全部食晒，重要个个争。
主菜拣咗士多啤梨猪肋骨及安格斯西冷牛扒。
用得士多啤梨就系想猪肋骨松软，轻轻用刀切就可以切开，士多啤梨酱味道似甜蕃茄。
西冷牛扒叫左7成熟，厨师真系做到，赞!
呢个牛油果三文鱼炒饭真系冇得顶，用左珍珠米粉，粒粒烟韧，三文鱼粒重要好大粒，啖啖肉，配埋我至爱牛油果认真一流!
另一主食，肉酱意粉。我老爷食完赞话好味，唔似一般餐厅比免冶肉及罐头酱，佢似切肉加番茄煮成，重配埋野菌!
最后佢嘅甜品真心唔错，有朱古力心太软及切饼(American cheesecake及 Opera）
虽然食包包会觉得食唔落甜品，但你一试次下会继续食! 两个甜品嘅朱古力及芝士超浓。
心太软焗得完美，朱古力流心与蛋糕外壳五五比例，够热够香!
芝士蛋糕系可以比过市面饼店嘅质素，是酒店级嘅浓味幼滑口感嘅质地!
Opera蛋糕外面嘅朱古力浆虽然浓，但唔会盖过里面嘅朱古力海绵蛋糕，口感软林林，可口美味。
张贴
