Milu Thai มิลู่ไทย (百樂中心)

营业中

休息中

Milu Thai主打泰国美食，由逾 40 年泰籍厨师团队主理。地点首先都几方便，就系Times Square 后面。而入面都几大，都见到唔少系一大班朋友约埋一齐。呢度点解吸引到我，主要系网上见到火焰烧鸡。<火焰烧鸡>结果真系无令我失望，首先上枱时将成只鸡企直，上枱后就用烈酒烧香个皮，酒香四溢，而当中的火焰效果打咭一流。另外鸡肉好嫩滑，食到鸡胸都唔系鞋，证明烧得岩晒火喉。<柚子鲜虾沙律>另外亦叫左柚子鲜虾沙律，份量都唔细，柚子质素唔错，大大粒兼唔会干身同苦涩，大虾正常发挥，点埋泰式特色酱酸酸地都几开胃。<大头虾冬荫公汤>大头虾冬荫功汤处理得几好，大头虾大大只都有羔，而最惊喜系冬荫功的味道够Balance，唔会过酸或过辣，饮落去系几舒服，另外亦都有唔少配菜，其实都几丰富。<炸虾饼>虾饼新鲜即炸，内里虾肉够晒弹牙，而且份量都几多，算系抵食，配埋特饮珍多冰就即刻爽晒。