RuRu Tapas Restaurant (已結業)

店员真的非常有礼貌，电话无电都有差电器借，真系超级细心，就黎起菜就主动话帮我地换张大啲既枱坐得舒服啲，咁啱隔离枱又离开左，服务十分周到，令到整个用餐体验劲加分👍西班牙炸薯仔，薯仔好食不在话下，餐厅自家制杏仁沙律酱同蒜蓉沙律酱做搭配，平时薯仔多数净系茄汁，呢个酱汁令到佢与众不同，薯仔质感较硬身同爽口👍鱼子酱龙虾蟹肉牛油果他他，一道好传统既小食，龙虾蟹肉洋葱牛油果等完美混合，搭配新鲜即焗既香脆面包，好似食紧多士咁，蟹子既鲜甜，龙虾肉同蟹肉鲜嫩👍经典油封鸭腿介绍大家必定要叫，厨师煎得啱啱好，鸭皮微微香脆，厨师煮嘅手法完美将肉汁锁住，鸭肉从上枱至入口仍然非常湿润，好juicy劲好味，啖啖肉既鸭腿一路食一路都觉得好开心因为第一次食，又发现左人间多一样美食🤣🤣饮品我地就叫左Fruit punch同Happy ending，两杯都好易入口，味道较fresh同清甜，happy ending 有好香既百香果味，赞👍