影片
更多
2024-11-15
0 浏览
今日系我同老公嘅结婚纪念日，老公安排book咗呢间喺元朗叫Diamond西餐厅庆祝，初初仲念点解唔去出去尖沙咀食？元朗都有浪漫高质西餐厅咩？去到餐厅门口，已经俾餐厅外观彻底吸引咗，好似去咗外国嘅餐厅咁，感觉好华丽！入到去坐底咗，环境舒适 ，墙壁系浅色砖墙，配合柔和嘅灯光，仲有一幅砌出嚟嘅玛莉莲梦露画像，营造咗一种温暖嘅氛围，无论系设计定系摆设都充满咗细节位。餐枱上嘅薄荷叶水樽，一个小瓶插住一朵新鲜红玫瑰，水晶灯设计嘅台灯，给人一种温馨而精致嘅感觉，成个环境同气氛真系真心要赞！仲留意到餐厅设计不仅注重功能性，更注重氛围嘅营造，每度菜嘅摆盘都睇得出十分讲究， 做得到睇得又食得！今次我地嘅晚餐就order咗呢D:我哋嗌咗两个晚餐套餐，除主菜外，仲包括咗面包篮、是日餐汤、茶或咖啡、甜品。首先，嚟咗一碗南瓜汤同埋一碗罗宋汤，我饮嘅南瓜汤，有龙浓厚嘅南瓜味，加埋忌廉同面包糠，呢个系绝配，好饮！另外我add on咗1份“焦糖核桃杂菜沙律+$48”，呢盘沙律色彩缤纷，份量好大份，足够我同老公两个人食，沙律入面有唔同种类嘅生菜、紫色沙律菜同埋坚果，上面仲淋有一层酱汁，焦糖合桃好食，沙律摆盘精致，充满健康
去到餐厅门口，已经俾餐厅外观彻底吸引咗，好似去咗外国嘅餐厅咁，感觉好华丽！
入到去坐底咗，环境舒适 ，墙壁系浅色砖墙，配合柔和嘅灯光，仲有一幅砌出嚟嘅玛莉莲梦露画像，营造咗一种温暖嘅氛围，无论系设计定系摆设都充满咗细节位。餐枱上嘅薄荷叶水樽，一个小瓶插住一朵新鲜红玫瑰，水晶灯设计嘅台灯，给人一种温馨而精致嘅感觉，成个环境同气氛真系真心要赞！
仲留意到餐厅设计不仅注重功能性，更注重氛围嘅营造，每度菜嘅摆盘都睇得出十分讲究， 做得到睇得又食得！
今次我地嘅晚餐就order咗呢D:
我哋嗌咗两个晚餐套餐，除主菜外，仲包括咗面包篮、是日餐汤、茶或咖啡、甜品。
首先，嚟咗一碗南瓜汤同埋一碗罗宋汤，我饮嘅南瓜汤，有龙浓厚嘅南瓜味，加埋忌廉同面包糠，呢个系绝配，好饮！
另外我add on咗1份“焦糖核桃杂菜沙律+$48”，呢盘沙律色彩缤纷，份量好大份，足够我同老公两个人食，沙律入面有唔同种类嘅生菜、紫色沙律菜同埋坚果，上面仲淋有一层酱汁，焦糖合桃好食，沙律摆盘精致，充满健康感，唔使几分钟我地就清咗碟！
主菜我拣咗“苹果木烟熏带骨猪鞍配苹果蓉-红酒浸苹果” $268
首先，卖相非常吸引，店员将猪鞍上枱嘅时候，连埋个盖一齐上，喺我哋面前揭开，浓浓嘅烟熏味出晒嚟，好有仪式咁！猪鞍卖相色泽金黄，表面有明显嘅烧烤炭烧纹理，显示出经过精心烹调，猪鞍上面放咗一枝新鲜嘅迷迭香，增加咗香气同美观度，配上埋一小碗嘅苹果蓉用嚟配搭猪鞍肉食用嘅，系perfect match嘅配搭，整体摆盘简洁而高雅，令人食指大动。呢份苹果木烟熏带骨猪鞍切开肉质鲜嫩多汁，烟熏味恰到好处，带嚟独特嘅风味。烟熏嘅香气渗透入埋d配菜度，好特别，我好欣赏！而苹果蓉嘅甜酸味道同猪鞍肉嘅咸香形成咗完美嘅对比，令味蕾得到极大嘅满足，整体嚟讲，呢道菜色香味俱全！仲有一个细致位需要赞扬一下，因为苹果溶真系太好食，我好快就食晒个兜苹果溶了，问店员可唔可以畀多少少苹果溶，佢而话不说就叫厨房重新整过一兜俾我，拎出嚟𠮶阵时仲热辣辣㗎。
而我老公拣咗嘅主菜就系：
炭烧美国PRIME牛肩胛扒 $298
我哋嗌咗七成熟，呢碟牛肩胛嘅色泽非常吸引，烧得啱啱好，表面呈现金黄色的烧烤纹理，内里保持粉红色，刚好七成熟度，牛肩胛扒被切成几块，每一块都做到鲜嫩多汁，唔错！配菜一样都系有几粒烤番茄，烤翠玉瓜同西兰花苗，丰富咗整道菜嘅口感同少少解腻。旁边仲有一小撮岩盐&一小撮芥末酱，增添咗不同嘅风味，不过本人就觉得只需加岩盐&三色胡椒就已经足够了！呢碟牛扒无论视觉上定系味觉上都是一个享受！
另外，仲叫咗一杯右边系一杯宝石水果茶 Diamond Fruit Tea 饮品，呢杯宝石水果茶份量非常足够，杯入面包括咗橙片、柠檬片、薄荷叶、西柚片同其他水果，装系一个花纹嘅玻璃杯入面，令成个餐桌更添色彩同生气！
甜品方面，原本套餐配嘅甜品系可以拣奶冻同乳酪，我哋拣咗一份乳酪，乳酪唔甜，健康好食！
另我一份甜品我哋就加钱转咗做佢地嘅signature法式多士配云尼拿雪糕-$68
原来老公喺book枱嘅时候已经讲明系庆祝周年纪念，所以惊喜地系呢个法式多士甜品碟上面写咗 Happy Anniversary 🎉 🎉 🎉 开心惊喜！法式多士都系呢次餐点中嘅一大亮点，酥脆嘅面包配上甜美嘅糖浆，最配上雪糕，口感丰富，每一啖都好满足，甜而不腻，为呢顿餐点画上完美嘅句号。
整体嚟讲，呢次嘅用餐体验真系非常丰富，好满足同好满意，各式各样嘅菜色都令我哋大饱口福同眼福。每一道菜品都有其独特嘅味道同风味，令人回味无穷。加上华丽而舒适环境，值得推荐俾大家，下次有屋企人/朋友生日都会带佢地嚟食！
0 浏览
0 赞好
0 留言
焦糖核桃杂菜沙律
0 浏览
0 赞好
0 留言
焦糖核桃杂菜沙律
0 浏览
0 赞好
0 留言
Diamond Fruit Tea 饮品
0 浏览
0 赞好
0 留言
炭烧美国PRIME牛肩胛扒
0 浏览
0 赞好
0 留言
炭烧美国PRIME牛肩胛扒
0 浏览
0 赞好
0 留言
苹果木烟熏带骨猪鞍配苹果蓉-红酒浸苹果
0 浏览
0 赞好
0 留言
苹果木烟熏带骨猪鞍配苹果蓉-红酒浸苹果
0 浏览
0 赞好
0 留言
苹果木烟熏带骨猪鞍配苹果蓉-红酒浸苹果
0 浏览
0 赞好
0 留言
法式多士配云尼拿雪糕
0 浏览
0 赞好
0 留言
张贴
