影片
更多
2010-07-31
18 浏览
自从呢个铺位的前身Paris Cafe执左之后就一直未有新租户，系两三个星期前知道将会开日式拉面店，上星期日男友就提意去试下。 我地叫左豉油拉面、冻温室蕃茄及蟹籽沙律，见有少少眼瞓，想叫杯咖啡提下神，佢叫自己的咖啡做「金牌咖啡」好似好有信心咁，一于试下佢。男友个拉面整体质素都唔错，汤底略嫌淡左少少，可以再浓D，不过汤色好清澈，面质带有鸡蛋的淡黄色，不过就软身左D，我就较钟意硬身个种。叉烧唔似其他港式拉面店个只柴皮货式，又无硬冰冰，都算系咁。冻温室蕃茄只卖＄15，心谂会唔会用本地或大陆蕃茄充当贵价货，好怕食到唔适合造冷盘的蕃茄因为里面的籽唔煮过会好酸，食落好彩又OK！虽然我唔肯定系日本蕃茄，而且仲连皮上，不过食味清甜又唔酸，浸著淡淡的豉油，系呢个炎炎的夏日下食落都几消暑。个蟹籽沙律等左好耐都未到，心谂小小的一碟点解要咁耐既，见个热的「金牌咖啡」先黎就试下佢，噢，估佢唔到又合格㖞！ 无个D劣质咖啡的酸味，反而仲有少少烘培香，最衰只有白砂糖提供，我谂落brown sugar可能再好饮D。蟹籽沙律终于到喇！原来我错怪左佢，唔只系小小的一碟咁简单以系一盘仔呀，我唔记得系卖$15等$25，青瓜丝切
我地叫左豉油拉面、冻温室蕃茄及蟹籽沙律，见有少少眼瞓，想叫杯咖啡提下神，佢叫自己的咖啡做「金牌咖啡」好似好有信心咁，一于试下佢。
男友个拉面整体质素都唔错，汤底略嫌淡左少少，可以再浓D，不过汤色好清澈，面质带有鸡蛋的淡黄色，不过就软身左D，我就较钟意硬身个种。叉烧唔似其他港式拉面店个只柴皮货式，又无硬冰冰，都算系咁。
冻温室蕃茄只卖＄15，心谂会唔会用本地或大陆蕃茄充当贵价货，好怕食到唔适合造冷盘的蕃茄因为里面的籽唔煮过会好酸，食落好彩又OK！虽然我唔肯定系日本蕃茄，而且仲连皮上，不过食味清甜又唔酸，浸著淡淡的豉油，系呢个炎炎的夏日下食落都几消暑。
个蟹籽沙律等左好耐都未到，心谂小小的一碟点解要咁耐既，见个热的「金牌咖啡」先黎就试下佢，噢，估佢唔到又合格㖞！ 无个D劣质咖啡的酸味，反而仲有少少烘培香，最衰只有白砂糖提供，我谂落brown sugar可能再好饮D。
蟹籽沙律终于到喇！原来我错怪左佢，唔只系小小的一碟咁简单以系一盘仔呀，我唔记得系卖$15等$25，青瓜丝切得幼细，蟹籽的份量都算唔少，冻冻地几好食。
Overall，呢间新餐厅俾到唔少惊喜我，可能本身对开系西湾河平民地区的拉面店无抱太大期望，估唔到又做得几有诚意，同区内就只有较贵的札幌元祖拉面，希望呢间诚意小店做得住啦！
张贴