鼎記 (已結業)

今日系旺角行街 路经鼎记 见到好似好多选择 又有小菜又有鸡煲 就决定入去试一试 不过今次得两个人 所以就无叫小菜 一人叫一个饭就够啦 下次有机会再去试下其他菜式首先叫咗个暗然销魂饭 有两只蛋 煎到好靓 只蛋唔会太熟 再加埋啲豉油 成碗饭无得弹呀 啲叉烧肥瘦适中 咬落去唔会好干 仲有啲肉汁 表面仲好香蜜糖 出色👍🏼成碗饭都好足料 大大碗 一定够晒饱呀再叫咗个粟米斑块饭 啲调味啱啱好 唔会好咸 同个粟米羹唔怕太稀 用嚟捞饭食一流 入面仲有好多旧鱼 食极都仲有🤣一定唔惊唔够食呀我哋仲叫咗个豆豉鲮鱼炒油麦菜 个菜炒得好香 炒到啱啱好 唔怕太腍 而且好惹味 会令人食到唔停口 加埋啲豆豉鲮鱼用嚟送饭就最合适 仲有西洋菜汤 可以系食饭前饮 碗汤好足料 有好多西洋菜同猪𦟌 好饮🤣