大澳餅店

营业中

休息中

每次去大澳都见到大澳饼店排长龙。见个个都排佢嘅沙翁。但系一直对呢种食物观感麻麻，记得以前食过嘅沙翁涷，好甜，油腻。所以唔系好明点解咁多人排队。直至有一次同阿妹去大澳，佢话一定要排下队去买嚟食。佢话系超好食同埋系网上沙翁嘅评价都非常高。估唔到一试之下就爱上咗呢间铺头嘅沙翁。终于明白点解咁多人排队。佢因为系现整现买，一炸好即刻放系砂糖上碌两碌，再入袋买俾人，成个过程都唔使1分钟，沙翁到手仲系热辣辣，一咬落去，软棉棉，有蛋香，唔太死甜最重要系唔会食到满口油。哗，真系令人好惊喜呀。原来沙翁可以咁好食🤤原本买咗一个share嚟食，觉得唔够过瘾，排队再买过🤣下次去大澳，呢个系必食。