BriKetenia (已結業)

今晚男朋友话带我去食好野😍😍登登登登~~系米芝莲一星餐厅 BRIKETENIA😘🥖面包配银鱼沙律酱面包有2种，分别系法国面包&面包酥条。法包焗到外脆内软，面包酥条焗到好松脆，搭配银鱼沙律酱好滋味，沙律酱微酸带少少咸，食完仲可以再refill。👍🏻香煎带子南瓜浓汤带子同南瓜汤系分开上嘅，汤碟上放左香煎带子同几粒面包粒，然后侍应再将壶入面嘅南瓜汤倒上，保证饮到热辣辣嘅汤。微微煎过嘅带子保持软嫩口感，配上十分浓稠嘅南瓜汤，口感绵密清甜而不腻。赞！😋鹅肝焦糖炖蛋 (加$30)侍应介绍嘅餐厅特式菜。原来系冻嘅，可以搽上面包食，亦可以就系食。鹅肝味淡淡地，炖蛋口感幼滑，食落咸香咸香又带少少焦糖甜味，几惊喜😍西班牙黑毛猪猪扒伴松露薯蓉配小甘笋及鲜芦笋黑毛猪猪扒带少少肥肉，煎得适中仍保留肉汁，肉质亦唔会过老，整体味道偏淡。薯蓉好滑，芦笋好爽甜。👍🏻👍🏻波士顿龙虾扁意粉配龙虾炖蛋龙虾炖蛋嘅龙虾肉超级弹牙，肉质鲜甜，炖蛋滑嫩。另外意粉煮得刚刚好，每一条意粉都充满龙虾酱汁，超好味。大推环境舒适，音乐唔会太大声影响用餐。一边食饭一边倾计，好满意。侍应服务好好，每次上菜都会介绍菜名同建议食法，收碟斟茶都好快手。