麥金.麥金馬來西亞特式茶啡室 (已結業)

近来真系开咗好多马拉餐馆，今次嚟到大角咀呢间，感觉同深水埗𠮶间好相似，但系我觉得呢间好食啲。首先一定要嗌嘅系佢个肉骨茶啦，佢喺未上正式嘅肉骨茶之前已经比定一碗汤嚟饮。最钟意药材味嘅我觉得非常好饮，药材味好够浓，而且唔会好油腻，成餐饭我应该饮咗四碗汤左右啦。另外一定要嗌嘅就系咖哩面啦！佢比较特别，唔系一般有米粉又有油面果种，而系剩系得油面系碗汤入边，椰汁味好重，入面啲鸡非常嫩滑好好味，好易入口。最期待嘅就系佢个伽央多士，伽央多士最紧要系个包烘得趣，而佢入边嘅酱料又唔可以太甜，加埋一齐真系一绝！讲到马拉点可以唔系拉茶同咖啡呢！呢度嘅拉茶真系非常出色，又唔会好似泰式奶茶咁甜，但系又有一种好香嘅茶香味，十级推介！不过咖啡就好似咖啡味唔系太够，奶味偏重，但系相信都会有唔少人钟意饮嘅。