Casa Cafe & Bistro

营业中

休息中

马鞍山海边，藏著一间cafe小店餐厅。最近去咗试吓佢哋嘅全日早餐同埋几款小食，感觉几舒服。首先讲吓个 Casa 全日早餐，有意式香草肠、炒杂菇、烟三文鱼、脆薯饼香脆，啱晒我呢啲钟意食薯饼嘅人；烤蕃茄酸酸甜甜🍅，几开胃；酸种面包口感扎实；牛乳炒蛋滑溜，唔会太老；仲有焗豆、沙律🥗跟住试咗香烤蜜糖鸡中翼，一份五件，蜜糖味香浓，鸡翼烤得啱啱好，外皮脆卜卜，肉质嫩滑。另外白酒忌廉汁煮蓝青口份量都唔少。最后叫咗两杯特饮，蓝色海洋同梦幻甜心。蓝色海洋用咗百香果、蜜柑同波波寒天，酸酸甜甜，几清新；梦幻甜心就系白桃、玫瑰同波波寒天，味道比较优雅，玫瑰味几突出。两杯饮品都几好饮，啱晒夏天饮。