影片
更多
2017-02-25
1051 浏览
上次泥到希慎行街见到京林屋既时候已经好想试，因为听闻呢间系京都既百年老店，以制作抹茶甜品而闻名。奈何上次已经订左其他餐厅食晚饭而冇食到京林屋，今日终于拉左男朋友陪我泥试下啦😝呢到既环境几舒适，采用日式设计，装修简单唔会太花巧。每张枱都几大张，有足够既空间同时放几样食物😋我地今次坐普通座，限时90分钟，和座就限时60分钟。个人觉得呢个安排都可以接受，始终呢到唔系cafe，客人长时间坐系到都几影响生意。而且以90分钟食甜品都有足够既时间😄店员亦都好贴心，点完餐后店员主动问我地需唔需要先上冷面，其余甜品等食完咸点再上。呢个安排非常好，甘就唔怕芭菲类既甜品好快溶而尽快食晒去，亦都可以慢慢享受食物😆首先出场既系抹茶荞麦冷面，我自己好中意食冷面，但系坊间好少餐厅有得食，难得京林屋有得食仲系抹茶味，即刻叫左泥试下。呢个面配有腌萝卜、甜菇、萝卜溶同埋冷面酱汁。面有淡淡既抹茶香，配上紫菜一齐食更食到紫菜既香味，唔错既配搭。面条厚身，沾上冷面汁再食味道更加丰富。我地一直好争扎试香港限定既芭菲好定系林屋芭菲，最后因为想试番传统口味所以叫左林屋芭菲。芭菲配有小丸子、抹茶雪糕、红豆蓉、抹茶啫喱同忌廉。抹茶雪糕茶
呢到既环境几舒适，采用日式设计，装修简单唔会太花巧。每张枱都几大张，有足够既空间同时放几样食物😋我地今次坐普通座，限时90分钟，和座就限时60分钟。个人觉得呢个安排都可以接受，始终呢到唔系cafe，客人长时间坐系到都几影响生意。而且以90分钟食甜品都有足够既时间😄
店员亦都好贴心，点完餐后店员主动问我地需唔需要先上冷面，其余甜品等食完咸点再上。呢个安排非常好，甘就唔怕芭菲类既甜品好快溶而尽快食晒去，亦都可以慢慢享受食物😆
首先出场既系抹茶荞麦冷面，我自己好中意食冷面，但系坊间好少餐厅有得食，难得京林屋有得食仲系抹茶味，即刻叫左泥试下。呢个面配有腌萝卜、甜菇、萝卜溶同埋冷面酱汁。
面有淡淡既抹茶香，配上紫菜一齐食更食到紫菜既香味，唔错既配搭。面条厚身，沾上冷面汁再食味道更加丰富。
我地一直好争扎试香港限定既芭菲好定系林屋芭菲，最后因为想试番传统口味所以叫左林屋芭菲。芭菲配有小丸子、抹茶雪糕、红豆蓉、抹茶啫喱同忌廉。
抹茶雪糕茶味香浓，奶味亦重。小丸子算大粒，配上雪糕食味道更好。啫喱好滑溜😋
跟住上场既系抹茶蕨饼，配有抹茶粉同黑糖酱。
如果单食蕨饼而唔加任何配料味道会有点单调，所以我地都加上抹茶粉去食，会食到更浓既抹茶味，最后加上黑糖去食更加香甜。黑糖配搭抹茶粉一齐食口感似咬紧砂糖，几得意既感觉。
呢个特浓抹茶雪山既分量超大，建议3至4人一齐share😂
雪山既配料有小丸子、抹茶雪糕、抹茶啫喱同红豆蓉(部分配料系放于碗内，要先清空一条小路到碗内先可以尽快食到)。雪山既冰好细好碎，入口即溶唔会过冻，配埋抹茶细味道更香浓。由于食到中间既时候，冰系冇抹茶酱，所以雪山亦附送左抹茶酱，可以按自己既口味再加上抹茶酱，甘就唔怕抹茶唔够香浓。碗内亦有红豆蓉，想多点变化可以选择以红豆蓉配冰。抹茶雪糕亦系一贯带有香浓抹茶味再配浓厚既奶味。
因为全程都系食抹茶既关系都想试下其他野，知道京林屋仲有推出焙茶饮品，所以我地就叫左杯焙茶雪糕沙冰泥饮。沙冰有非常浓郁既煎茶味道，解济十分好。雪糕既焙茶味道亦都香浓，不过奶味亦相对较浓。当食完甘多甜品之后，以焙茶饮品清清味蕾亦系一种享受。
张贴
