潮叔 (駱駝漆大廈第三座) (已結業)

今日行骆驼漆大厦，一行入四楼闻到好大花香，原来有铺新开。个名几趣致，叫“潮叔”。平时我都几钟意潮州食物，所以入来试下，今日试咗鱼蛋蟹黄面。鱼蛋好弹牙，同我平时食开嘅马鲛鱼丸唔同，原来系石斑鱼丸。汤底清淡，如果夏天无乜胃口，食呢啲口味会好舒服！仲有提供蒜蓉辣椒酱吊下味，几好。临走前见到有一个写住1人锅88蚊，无办法，只有等下次再试过了！