王家沙 (已結業)

上次黎都有好几年喇 ﹗咁多间分店一直觉得最好食只得又一城依间乍 ﹗今日个 lunch 好早呢，十二点几唔洗排队真好 ﹗必食即蒸小笼包，好期待呀 ﹗点完菜即刻预备定醋开餐，正呀 ﹗朋友仔好快就要去日本工作，顺道结埋婚入埋席，真系一条龙 ﹗今餐我请客当 farewell 啦 ﹗两个人叫左五味菜，差不多啦，我已经好忍手架喇 ﹗咁耐无黎好多野想食啊 ﹗酸辣汤一碗，非常足料又丰富，味道一流 ﹗酸味够而带微辣，好开胃噃 ﹗颜色带光泽，晶莹剔透又吸引，闻落仲好香添 ﹗食落味道同温度都好温和，少左份澎湃感觉，似系一早煲好倒出黎，无即造有镬气既冶味 ﹗韮王炒鳝糊，韮王味道超级呛呀 ﹗好劲呀 ﹗朋友仔钟意韮王所以觉得好香，但我受唔到阵草青味架 ﹗成碟都食唔到啰 ﹗免强夹左几条鳝丝试试，还可以啦 ﹗味道够，但肉质不爽不弹 ﹗三鲜炒年糕，其实我唔多想叫依个架，但朋友仔好想食年糕，咁无所谓啦 ﹗因为年糕好饱肚架，食到最后始终都食剩依碟啰。有虾、有菜、有肉，其实味道唔错，我都有食过晒架，虾爽肉嫩，一试无妨。东坡肉，炖得不肥不腻，唔好比佢既外表呃到呀 ﹗猪皮同肥膏程啫喱状，入口即溶，猪肉炖得超级入味，同红烧五花腩差