少爺18 (已結業)

葵芳常客… 基本上其他餐厅都食过，系争呢间见佢开左一排都无入去试。今日的起心肝试下先！少爷18… 睇佢既广告同埋门面其实都好靓好有心思，应该都唔少野。佢地用既碗碟都系特制，好靓的。马拉盏炒通菜～ 作为通菜 super fans 既我地，无可能唔叫。不过佢既味道偏淡，但几香口，另一种风味。参巴蜜糖鸡翼～ 呢个就不得了。炸鸡翼好够火候，加埋参既蜜糖汁，非常开胃，食极都觉得唔够。但可惜果日喉咙痛，唔食得太多热气野同辣野。印度烤饼… 虽然我地唔知点解会叫左呢个饼，但食完都几好味。个质地一流，非常香口同埋面粉味十足。对于非常钟意食面粉制品既我，真系岩晒。加埋咖哩汁，又系好开胃醒神。呢个春卷真系唔记得左个名喇… 好似系素春卷来的。系食完头三样偏浓味既野之后，食返呢个比较清淡既菜式，会觉得几清新。最后仲有呢个印度炒饭… 粒粒分明。印尼虾饼都一流，自细就好钟意食。呢个虾饼新鲜同埋炸得好，完全唔会油同埋无油益味。配上个粒粒炒饭… 食食下就饱晒。所有菜式份量睇好似好少，但其实一D 都唔少！原本仲谂住食埋佢个甜品，但真系食唔落了，唯有等下次