影片
更多
2019-05-15
2146 浏览
虽然都半年前，但食过一次「微酵烘焙」嘅「脏脏之胖」，印象甚深，所以，知佢九龙开咗新店，都想重温其滋味。而今次个标题就语带「双」关，第一就喺估唔到佢嘅肮脏包咁好食，杀出一条血路，第二就喺佢哋其他嘅出品都有质素，受客人欢迎，否则都唔能够再晌九龙及新界开店，迎嚟一条康庄大道。由于店家主打特色软欧包及茶饮，所以，旺角店跟之前到访铜锣湾店嘅装修差唔多，一边喺制作茶饮，另一边就摆放多种特色面包。全店以白、金为主色调，简洁明亮，让人睇见都好醒神。今次主要嚟买面包，所以，先介绍一下面包柜呢边。唔使多讲，主打都喺3款肮脏包及人气嘅爆浆珍奶软欧。原来，依家仲出咗多款新品，如卖相抵死嘅章鱼大哥，仿真极高嘅薯头，甚具台风嘅香软肉松包……等等。我就最钟意佢哋除咗各款包有名牌介绍之外，简介埋有咩基本成份，以及当中嘅特色，甚至讲明喺蛋奶素定荤食，方便一啲素食者。不过，未讲啲包之前，原来买面包嘅话，饮品会有8折优，买一个包，就有一杯饮品优惠，如此类推。呢度有好多特色茶饮，颇多喺别具特色，类别涵盖红茶、拿铁、果茶、奶盖、珍珠奶茶、花草茶……等等，用上世界唔同地区嘅茶叶制作，定价$25-$40。最好就喺甜度有得拣，由正常
由于店家主打特色软欧包及茶饮，所以，旺角店跟之前到访铜锣湾店嘅装修差唔多，一边喺制作茶饮，另一边就摆放多种特色面包。全店以白、金为主色调，简洁明亮，让人睇见都好醒神。
今次主要嚟买面包，所以，先介绍一下面包柜呢边。唔使多讲，主打都喺3款肮脏包及人气嘅爆浆珍奶软欧。
原来，依家仲出咗多款新品，如卖相抵死嘅章鱼大哥，仿真极高嘅薯头，甚具台风嘅香软肉松包……等等。我就最钟意佢哋除咗各款包有名牌介绍之外，简介埋有咩基本成份，以及当中嘅特色，甚至讲明喺蛋奶素定荤食，方便一啲素食者。
不过，未讲啲包之前，原来买面包嘅话，饮品会有8折优，买一个包，就有一杯饮品优惠，如此类推。
呢度有好多特色茶饮，颇多喺别具特色，类别涵盖红茶、拿铁、果茶、奶盖、珍珠奶茶、花草茶……等等，用上世界唔同地区嘅茶叶制作，定价$25-$40。最好就喺甜度有得拣，由正常嘅可减到无糖都得。
珍珠鲜奶茶 $36见佢哋铺面推广紧呢一款以鲜奶油制作嘅珍珠奶茶，卖相又吸引，再者，小弟都好一阵子无饮过珍珠奶茶，所以，试番杯喺点。
色泽一层层，实物嘅卖相就好吸晴喇，价目牌注明喺用上台湾及斯里兰卡茶叶制作，所以，茶底入口几芳香，而面头嘅香缇（我都喺睇佢块广告版先识呢个台湾用语）喺由植物鲜奶油打成，搅匀杯奶茶，坚喺滑溜好多，但又比预期中无咁腻，底下嘅珍珠烟韧咬口，有阵阵嘅黑糖嘅纯香。
珍珠鲜奶茶
$36
24 浏览
0 赞好
0 留言
香软肉松包 $28由于佢哋所卖嘅都喺软欧包，非港式松软嘅面包，所以，一般都喺挺身，口感带烟韧，唔会一阵风咁食完。包面铺上满满嘅台湾海苔肉松，有份咸香感，包内则涂上一啲特色酱，其实食落都唔喺好知乜，但甜甜哋咁，平衡番啲肉松嘅咸味。
薯头 $24霎眼望埋去，真喺坚被佢呃到，九乘九似足个薯仔。外层嘅可可粉只喺轻轻沾上，唔似脏脏之胖𠮶啲咁抢味。而切开一睇，里面有薯仔粒、粟米、火腿、洋葱，几有咬口，食落亦颇有饱肚感。
香菇麻糬包 $22呢个就专登拣嚟俾老婆食，食偏素嘛，应该会钟意。同样，以外型酷似大蘑菇为卖点，确喺几可乱真。而里面塞满芝麻酱及麻糬，属甜包，整体嘅口感烟烟韧韧咁。
脏脏之胖 $39对比上次，原来俏俏地加咗少少价，不过，我都仲喺觉得抵食，喺值得翻兜再翻兜。拎上手，依然好坠手，用料又十足，一口咬落去，包面洒满厚厚嘅可可粉，加埋有一层好似脆皮咁嘅70%比利时松露朱古力，𠮶朕朱古力嘅浓郁香味一涌而出，味道带点甘苦，口感极有「软欧」嘅个性，咬落韧韧哋，却喺软绵绵，搭埋忌廉芝士嘅咸香，不愧人气之作。
脏脏之胖
$39
13 浏览
0 赞好
0 留言
红酒朱古力吐司 $30见到呢款吐司都好有特色，要埋嚟做早餐都好。据名牌介绍，吐司喺以红酒酵母嚟发酵，顺带一提，「微酵烘焙」嘅面包都喺以天然酵母嚟发酵，相对更健康。而呢款吐司，口感软熟，细意嗒落，又确喺有微微红酒香，包心混入咗朱古力酱及朱古力粒，令味道更丰厚。故此，脏脏之胖及红酒朱古力吐司喺朱古力死粉嘅必食推介。
红酒朱古力吐司
$30
4 浏览
0 赞好
0 留言
张贴
