紫蝶花 (已結業)

体谅关心客人既紫碟花 应该系我有生以黎最最最有特色既海南鸡饭，先讲外观，一黎到我已经爆左句: 哗，碟鸡咁核突既! 噢，Sor, 我唔应该以貌取鸡。 净睇已经知，系斩完再番蒸既鸡，我当你唔系隔夜鸡，可能系担心天气冻，所以蒸番热比我，又几窝心既... 到味道喇，哗! 真系几健康，几关心客人既身体状况，零味道充满鸡既天然腥味，系鸡腥!过火既肉纤维质感考验紧我牙骹既强度，真心佩服!跟餐既例水，唔单止用黎湿下口，反而同健康既鸡肉有个反差，互补不足...饮一啖应该足够一日钠所需，呢个鸡同例水既配合，简直精彩!个油饭就唔多讲喇，应该唔到我去评论了... 另一样，叫既系咖哩牛腩捞檬...落完单，1分钟内上枱，我明我真系明，咁有効率我仲可以讲咩，反正同好多嘢一样，都系“整定“咁... 相较海南鸡下，咖哩牛腩捞檬就逊色左啲，净系体谅客人牙齿既健康，将檬粉煮到可以用匙羹不黎食，近乎粉丝既硬软，当然不得不1佩服厨师既用心; 个咖哩汁就非常挂汁，接近咖哩膏，几乎怀疑系食紧甜品咖哩布丁! 跟餐饮品，新加坡奶茶应该都系因为关心客人健康，少茶少奶多水，感谢你。反而新加坡咖啡就普通左啲，无咩特别^0^!