影片
更多
2024-04-10
38 浏览
今次終於試到間平時幾full嘅omakase，Suzuno。位於跑馬地嘅佢同普通omakase一樣唔大，只有七、八個座位，為求師傅可以盡最大能力了解每一位顧客嘅需求。店舖用咗比較日系嘅設計，相當優雅清靜。今次食嘅係佢嘅晚餐set，當中包括咗前菜：有小食、湯、同刺身等等大概十款小菜，主菜：七、八款壽司，同最後一個小甜品。聽落都知份量非常之足，連我一個男人都食到超滿足！味道方面當然都係無可挑剔，每一樣菜式食入口都令我忍唔住點頭稱讚，不過就唔逐樣詳細講喇，下面揀幾個最令我驚嘆嘅菜式。個湯係用三重縣嘅蜆煲出嚟嘅湯，隻蜆當然就大大隻仲要好鮮甜，估唔到望落清清地嘅湯都充滿咗蜆嘅甜鮮味，仲要師傅強調湯當中係冇加任何鹽，可以話個湯本身都包括住蜆嘅精華依個嚟自北海道嘅海八爪配醬油漬嘅wasabi 都相當好食，尤其許配八爪魚吸盤，口感十足！講鮮味嘅話不得不提係富山嘅白蝦，淨係蝦嘅鮮味已經非常之甜美，配埋豉油或者Wasabi食又係另一番風味。仲有嚟自天草(熊本)嘅鰝鰺，雖然係白身魚，但有豐富嘅魚油味，同時口感亦唔會太肥膩，非常神奇。最後講肥美，不得不提大拖羅同埋海膽手卷，兩都係極肥美，愛食肉嘅人一定鍾意。而
位於跑馬地嘅佢同普通omakase一樣唔大，只有七、八個座位，為求師傅可以盡最大能力了解每一位顧客嘅需求。店舖用咗比較日系嘅設計，相當優雅清靜。
今次食嘅係佢嘅晚餐set，當中包括咗前菜：有小食、湯、同刺身等等大概十款小菜，主菜：七、八款壽司，同最後一個小甜品。聽落都知份量非常之足，連我一個男人都食到超滿足！
味道方面當然都係無可挑剔，每一樣菜式食入口都令我忍唔住點頭稱讚，不過就唔逐樣詳細講喇，下面揀幾個最令我驚嘆嘅菜式。
個湯係用三重縣嘅蜆煲出嚟嘅湯，隻蜆當然就大大隻仲要好鮮甜，估唔到望落清清地嘅湯都充滿咗蜆嘅甜鮮味，仲要師傅強調湯當中係冇加任何鹽，可以話個湯本身都包括住蜆嘅精華
前菜蜆湯
0 浏览
0 赞好
0 留言
依個嚟自北海道嘅海八爪配醬油漬嘅wasabi 都相當好食，尤其許配八爪魚吸盤，口感十足！
北海道水八爪刺身
0 浏览
0 赞好
0 留言
講鮮味嘅話不得不提係富山嘅白蝦，淨係蝦嘅鮮味已經非常之甜美，配埋豉油或者Wasabi食又係另一番風味。
富山白蝦刺身
10 浏览
0 赞好
0 留言
仲有嚟自天草(熊本)嘅鰝鰺，雖然係白身魚，但有豐富嘅魚油味，同時口感亦唔會太肥膩，非常神奇。
天草鰝鰺刺身
1 浏览
0 赞好
0 留言
最後講肥美，不得不提大拖羅同埋海膽手卷，兩都係極肥美，愛食肉嘅人一定鍾意。而依度嘅大拖羅壽司仲要配埋少少粗鹽，咁樣嘅配搭可以中和少少油膩感，亦令拖羅味道上更有層次感，更上一層樓！
大拖羅壽司
8 浏览
0 赞好
0 留言
海膽手卷
15 浏览
0 赞好
0 留言
用一句話嚟總結：依間餐廳值得一食再食！张贴
