裕泰牛什越南河

营业中

休息中

深水埗区食野出名平，但靓正既话就要用心发掘下，睇米纸既片知道呢间先有新鲜牛什，就拣左呢度试试。同朋友嗌左一碗牛什河同牛三宝河捞乱食，先试一口汤底，无太浓重既色水，稍为淡味。本身都有啲怕食牛膀同牛肠，但系一食落就知真章，新鲜牛膀系唔会食落沙沙地一口渣咁，反而系溶系口腔内。见到肠既肥膏其实有啲不安，但咬左一啖发觉并无异味，仲几有油香，真系推翻晒平时既不良感觉。最入味系牛肺，食落都唔会太韧，而金钱肚同草肚都唔错，好怕食到摄晒牙罅，呢度够腍身就唔会了。牛三宝就有齐牛腩牛筋牛肚，牛腩痴住一层肥膏，未算系好入味。牛筋食落入口即溶化，几好，而牛肚就大致同牛什河一样。结论系为左个牛膀可以值得再黎食，因为膀既处理颇为麻烦，唔容易食到有质素既，仲有饮品都系送埋，感觉抵食。