嚐•湯雞

营业中

休息中

最近开始凉凉哋想食吓鸡汤米线，特登走去食朋友推荐嘅呢间餐厅，唔使等位直接入咗去，安排咗我哋坐喺摊位附近嘅枱。等餐嘅时间都几长，本身谂住应该系即叫即做，所以都唔紧要，但系坐咗喺度等咗10几分钟，比同一个职员撞我张凳撞咗10几次，系冇可能发现嘅。真系撞到抆咗已经好嬲，虽然最后肯俾我哋掉位，但系唔好意思都冇一句真系令我心情好差。我叫咗个鸡汤翅米线，个米线汤底系不错的，食得出系冇味精嘅，啲米线腍咗少少，但系都唔紧要。翅个size细得可怜，每一片都好似块指甲咁细。轮到啲鸡就真系出晒事，啲鸡翼份量好少，比起元朗臭河隔篱𠮶间可能得一半，都算！我𠮶碗米线全部都系一啲下栏位，系鸡翼尖同埋鸡胸，冇一个位置系滑㗎！啲鸡啲质感真系好差，好似啲煲汤底料咁，完全唔值得依个价钱…..我老公就叫咗个花雕鸡，药膳汤底，个汤底味道都系OK嘅冇问题，但系啲鸡都系下栏位，都系鸡翼尖，叫咗两个餐全部都系比鸡翼尖！究竟发生咩事？依间嘢真系冇下次，呢个价钱真系唔算平，俾啲垃圾人哋食真系过分，奉劝大家真系唔洗试，服务差态度差好差，完全冇可能有下一次！