影片
更多
2021-08-16
543 浏览
首先必须要讲餐厅菜肴味道可以，有镬气，但体验感极差，人手严重不足，等左45分钟先上到菜；卫生情况麻麻等。到达餐厅，见到人山人海，坐满人，座位摆到出后巷。因为疫情关系，我地唔想坐后巷，唯有等下室内位，好好彩等左5分钟就有位。入座后，见到每张枱上都有提供纸巾，好体贴。不过店员抹完枱面都仲系粘粘笠笠，座位亦唔系咁干净，卫生情况稍差。庆幸碗碟系几干净的。楼面好忙，做到停唔到手咁，我地举手示意落单，侍应们互相推搪，不断叫等阵，最后几经努力捉住附近传菜既侍应，成功落单。等左25分钟左右先有一碟猪红上枱，食完后等左好耐都未见另外2碟𩠌，最终45分钟先上齐。其实一早已经隐约见到蒸鳝系出餐位，但迟迟冇侍应传菜，影响𩠌菜质素。其实我地情况已经算好，隔离枱早过我地小小落单，等左1个钟果碟水煮鱼都未黎，催单先至话冇晒，最后佢地2个人只系食左碟卤水鹅就埋单，好惨。韮菜猪红 ($68)猪红热辣辣，好大粒，食落都算滑，份量颇多，相反韮菜得几条。跟餐既辣椒油冇味，唔香又唔辣。整体普普通通，猪红酱汁同辣椒油都比较淡，过得去。豉汁蒸大鳝（$168)大鳝卖相唔错，豉汁味香，不过茨汁稍多，有唔均匀既粉粒，大鳝冧软嫩滑，有油香
到达餐厅，见到人山人海，坐满人，座位摆到出后巷。因为疫情关系，我地唔想坐后巷，唯有等下室内位，好好彩等左5分钟就有位。
入座后，见到每张枱上都有提供纸巾，好体贴。
不过店员抹完枱面都仲系粘粘笠笠，座位亦唔系咁干净，卫生情况稍差。
庆幸碗碟系几干净的。
楼面好忙，做到停唔到手咁，我地举手示意落单，侍应们互相推搪，不断叫等阵，最后几经努力捉住附近传菜既侍应，成功落单。
等左25分钟左右先有一碟猪红上枱，食完后等左好耐都未见另外2碟𩠌，最终45分钟先上齐。其实一早已经隐约见到蒸鳝系出餐位，但迟迟冇侍应传菜，影响𩠌菜质素。
其实我地情况已经算好，隔离枱早过我地小小落单，等左1个钟果碟水煮鱼都未黎，催单先至话冇晒，最后佢地2个人只系食左碟卤水鹅就埋单，好惨。
韮菜猪红
9 浏览
0 赞好
0 留言
韮菜猪红 ($68)
猪红热辣辣，好大粒，食落都算滑，份量颇多，相反韮菜得几条。
跟餐既辣椒油冇味，唔香又唔辣。
整体普普通通，猪红酱汁同辣椒油都比较淡，过得去。
豉汁蒸大鳝
7 浏览
0 赞好
0 留言
豉汁蒸大鳝（$168)
大鳝卖相唔错，豉汁味香，不过茨汁稍多，有唔均匀既粉粒，大鳝冧软嫩滑，有油香味，豉汁香浓，好送饭。
啫啫通菜煲
7 浏览
0 赞好
0 留言
啫啫通菜煲 ($78)
通菜煲香喷喷，食落非常惹味，类似马拉盏炒，有鱼干仔同肉碎，咸香味浓。
总体而言：
味道：整体𩠌菜味道可以
性价比：正常，大鳝稍贵
服务：差，店员无暇兼顾客人，传菜速度慢。
环境：室内可接受
张贴
