長阪燒

营业中

休息中

入到去见到啲装修好有feel，木质嘅桌椅同柔和嘅灯光，直头有种身处日本居酒屋嘅感觉。员工嘅服务都好贴心，佢哋会好细心介绍每一款食物。我地首先试咗佢哋嘅三文鱼子松叶蟹肉小钵，蟹肉好鲜美，三文鱼子脆卜卜，好鲜甜！摆盘好精致，好似酒店咁😂海鲜拖罗蓉脆脆米饼，真系好惊喜！米饼脆脆地，拖罗蓉就好新鲜，搭配上海胆同三文鱼子，咬下去口感层次好丰富，每一口都系海鲜嘅鲜味，真系好好味😋串烧方面，我地叫咗鸡翼、牛舌同豚肉蒜心卷，每一串都烧得香喷喷，特别系豚肉蒜心卷，肉质超软滑，蒜香味浓，真系好过瘾！鸡翼外皮脆口，里面又嫩，真系啱啱好。牛舌好厚切，好满足！😍朋友钟意食天妇罗，我地叫左大虾同舞茸嘅天妇罗。虾炸得金黄酥脆，舞茸好香菇味又好juicy，两者都好正！👍🏻👍🏻再嚟就系汁烧日本乌贼，呢个乌贼真系烧得刚刚好，外面微焦，肉质又鲜嫩，好爽口。佢哋嘅酱汁有一种特别嘅香味，食完之后唔会觉得腻！🦑无论味道定摆盘都好有水准，加上服务一流，真系值得再去！